Accessibility links

Түркістан облысында "бұзақылық" жасаған полицей жұмыстан босатылды


Көрнекі сурет.

Түркістан облысы Шардара аудандық полиция бөлімінің қызметкері Бексұлтан Кеңесов "бұзақылық" жасағаны үшін жұмыстан босатылды. Бұл туралы Азаттыққа облыстық полиция департаментінің баспасөз қызметі хабарлады.

Желтоқсанның 12-і күні шымкенттік белсенді Руслан Жанпейісов өзінің Instagram парақшасында Бексұлтан Кеңесовтың белгісіз бір жігітті ұрып, бетіне түкірген видеосын жариялаған еді. Видео әлеуметтік желілерге тарап, қызу талқыланған.

Баспасөз қызметінің мәліметінше, осы видеодағы полиция қызметкерінің іс-әрекеті байланысты Қылмыстық Кодекстің 293-бабы ("Бұзақылық") бойынша қылмыстық іс қозғалған.

"Сонымен бірге, облыстық полиция департаментінің өзіндік қауіпсіздік басқармасы қызметтік тексеру жүзгізді. Нәтижесінде Шардара аудандық полиция бөлімінің полицейі қызметінен босатылды. Полиция қызметкері бұл әрекетін қызғаныштан жасағаны анықталды" делінген хабарламада.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

ПІКІРЛЕР

XS
SM
MD
LG