Accessibility links

Алматыда Балуан Шолақ туралы фильмді көрсетті


"Балуан Шолақ" фильміндегі Балуан Шолақ. Алматы, 14 желтоқсан 2018 жыл.

Алматыда желтоқсанның 14-і күні қазақ халқына танымал тарихи тұлға - Балуан Шолақ жайлы көркем фильмді журналистерге жабық түрде көрсетті. Фильмді Мәдениет және спорт министрлігінің тапсырмасымен "Қазақфильм" киностудиясы түсірген. "Балуан Шолақ" фильмінің сценариі - жазушы Дулат Исабековтікі. Фильмде Балуан Шолақтың рөлін актер Еркебұлан Дайыров сомдаған. Фильмде Балуан Шолақтың өмірі, балуандығы, әншілік өнері мен сазгерлігі, ол өмір сүрген тарихи кезең бейнеленеді.

Көркем фильмде Балуан Шолақтың патшалық Ресей саясатына, Қазақстанға Ресейдің ішкі өлкелерінен шаруаларды қоныстандыруға наразылығы көрсетіледі.

Фильм авторлары кино түсіру кезінде Балуан Шолақтың оң қолының молақтығын көрсету қиын болғанын айтады.

Балуан Шолақ туралы фильм екі жылда, Алматы облысы мен Павлодар қаласы және Бурабай шипажай аймағында түсірілген.

Фильм авторлары киноны түсіруге қанша қаржы жұмсалғанын айтпады. Фильм келесі жылдың басында прокатқа шығады.

"Балуан Шолақ" қалай түсіріліп жатыр?

  • 16x9 Image

    Нұргүл ТАПАЕВА

    Нұргүл Тапаева 2012 жылы Түркістандағы Қожа Ахмет Яссауи атындағы Халықаралық қазақ-түрік университетін журналистика мамандығы бойынша бітірген. 2008 жылдан бастап қалалық, облыстық, республикалық телеарналарда журналист, редактор болып жұмыс істеген. 2016 жылдан бері Азаттық радиосының тілшісі. 

    Автормен оның Facebook парақшасында да пікірлесуіңізге болады.

ПІКІРЛЕР

XS
SM
MD
LG