Accessibility links

Түркістан мен Шымкент арасында жүрдек пойыз жүре бастады


Көрнекі сурет.

Қаңтардың 4-інен Түркістан мен Шымкент арасында жүрдек пойыз жүре бастады. Бұл туралы Азаттыққа Түркістан облысы әкімінің баспасөз қызметі хабарлады.

Әкімдіктің мәліметінше, жүрдек пойыз аптасына екі рет қатынайды. Дүйсенбі күні Шымкенттен Түркістан қаласына сағат 05:45-те шығады, жұма күні Түркістаннан Шымкентке 19:25-те шығады. Пойыз тек Арыс қаласына аялдайды.

"Пойызда 175 орын бар. Жолақысы - 609 теңге. Пойыз жолда 2 сағат 15 минут жүреді" делінген хабарламада.

Әкімдік бұл пойыз Шымкенттен Түркістанға көшіп келушілерге жеңілдік ретінде жүре бастағанын айтады.

Түркістан облысының әкімдігі былтыр тамыздың 17-сі күні ресми түрде Шымкенттен көшкен. Әкімдік аппаратының 800-дей қызметкерімен бірге 24 басқарма, облыс мәслихаты және министрліктердің аймақтағы департаменттері де Түркістанға көшкен.

19 маусымда Қазақстан президенті Нұрсұлтан Назарбаев Оңтүстік Қазақстан облысын Түркістан облысы деп қайта құру туралы жарлық шығарды. Жарлыққа сай, Түркістан облысының орталығы Түркістан қаласы болды, ал халқының саны миллионға жеткен Шымкент қаласына республикалық маңызы бар қала мәртебесі берілді.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

ПІКІРЛЕР

XS
SM
MD
LG