Accessibility links

Полиция: Әлеуметтік желіде таралған бейнежазба Өзбекстанда түсірілген


Түркістан облысындағы полиция көлігі (Көрнекі сурет).

28 қаңтарда Түркістан облыстық полиция департаменті әлеуметтік желілерде "Түркістан облысының Сайрам ауданы Қарабұлақ ауылында бірнеше өзбек жігіті екі қазақ жігітін тепкіледі" деп таралған видеоның облыс аумағында түсірілмегенін хабарлады.

Полиция департаменті баспасөз қызметінің мәліметінше, бұл бейнежазба Өзбекстан аумағында түсірілген, Түркістан облысына қатысы жоқ.

Оқиғаның Қарабұлақ ауылында болмағанын Сайрам ауданы әкімінің баспасөз хатшысы Дәурен Болыс та растады. Оның айтуынша, Өзбекстан бас прокуратурасы оқиғаның Наманган облысының Нарын ауданында болғанын, тергеу амалдары басталғанын мәлімдеген.

27 қаңтар күні әлеуметтік желілерде таралған бейнежазбада бірнеше жігіттің екі жігітті аяусыз соққы жығып, тепкілеп жатқаны түсірілген.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

ПІКІРЛЕР

XS
SM
MD
LG