Accessibility links

Сегіз облыста жолдар жабылды


Көрнекі сурет.

Қатты аязға байланысты Қазақстанның сегіз облысында қалааралық жолдар жабылды. Бұл туралы "Қазавтожол" республикалық кәсіпорыны хабарлады.

Ақмола, Қостанай, Солтүстік Қазақстан және Павлодар облыстарында барлық бағыттағы жолдар жабылған. Астана қаласынан шығатын жолдар да жабық тұр.

Шығыс Қазақстан облысында дизель отынымен жүретін көліктердің алыс жолға шығуына тыйым салынған.

Екатеринбург-Алматы жолының Қарағанды мен Балқаш арасындағы бөлігінде, Алматы-Өскемен тас жолының Алматы облысындағы Үшарал ауылынан Шығыс Қазақстан облысының шекарасына дейінгі бөлігінде көлік қозғалысы тоқтатылған. Үшарал-Достық бағытындағы жолдың Көктұма ауылынан Достық ауылына дейінгі аралығы жабылған.

Ауа райының бұзылуына байланысты Жамбыл облысындағы асуларда жол жабық деп хабарлайды "Қазавтожол".

  • 16x9 Image

    Нұргүл АЛИНА

    Нұргүл Алина – Азаттықтың Петропавлдағы тілшісі. 1990 жылы туған. Солтүстік Қазақстан мемлекеттік университетін журналистика мамандығы бойынша тәмамдаған. Заң және  әлеуметтік білімдер магистрі. 

    Азаттықпен 2016 жылдан бері әріптес.

     

ПІКІРЛЕР

XS
SM
MD
LG