Accessibility links

Түркия Қытайдан лагерьлерді жабуды талап етті


Лагерьлер алдында туыстарымен кездесу үшін кезекке тұрғандар. Шыңжаң өлкесі, 3 желтоқсан 2018 жыл

Ресми Анкара Қытайдан Шыңжаңдағы "саяси тәрбиелеу орталықтарын" жабуды талап етті. Түркия сыртқы істер министрлігінің 9 ақпанда жариялаған мәлімдемесінде Шыңжаңдағы лагерьлерде қамалғандар "азаптау көріп жатыр" деген.

Түркия сыртқы істер министрлігінің өкілі Хами Аксой "миллионнан астам ұйғыр азаптау орталықтарында қамалғаны қазір құпия емес. Қамауға алынбағандар қысымға ұшырап жатыр. Қытай билігінің 21 ғасырда лагерь ашуы және ұйғырларды қудалауы - адамзатқа жасалған қарсы әрекет" деген.

Түркия Шыңжаңдағы жағдайға БҰҰ жедел араласуы керек деп санайды.

Шыңжаң аймағындағы лагерьлер жайлы алғаш рет 2017 жылдың көктемінде айтала бастаған. БҰҰ Шыңжаңдағы "саяси тәрбиелеу орталықтарында" миллионға жуық адам "еркінен тыс" қамауда отырғанын мәлімдеген.

Қытай үкіметі басында бұл орталықтардың барын жоққа шығарып келді. Кейін Пекин қысымды "экстремизмге қарсы шара" деп мәлімдеді және "қамалғандар тіл үйреніп, кәсіп меңгеріп шығатынын" айтты.

Қазақстандағы қазақтар да Алматыда бірнеше рет жиын өткізіп, Қытайдағы жақындарының жаппай қамалып жатқанын айтқан. Олар Қазақстан билігінен, халықаралық ұйымдардан көмек сұраған.

Былтыр желтоқсанның соңында Пекин бірнеше елдің елшілерін Шыңжаңға апарып, “саяси тәрбиелеу орталықтарын” көрсеткен. Лагерьге барғандардың арасында Қазақстан елшілігінің қызметкері де бар. Ол Шыңжаңдағы саяси тәрбиелеу орталығында "жағдайдың жақсы" екенін айтқан.

ПІКІРЛЕР

AzattyqTV

Қазақстан премьерлерінің тарихы
please wait

No media source currently available

0:00 0:01:48 0:00

Фотогалерея

XS
SM
MD
LG