Алматыда Алтынбек Сәрсенбайұлын еске алды

Асылхан МАМАШҰЛЫ

11 ақпан 2019 жыл, 10:43

Қастандықпен өлтірілген оппозициялық саясаткер Алтынбек Сәрсенбайұлын еске алуға арналған жиынға қатысушылар. Алматы, 11 ақпан 2019 жыл.

Алматыда 2006 жылы 11 ақпанда қастандықпен өлтірілген оппозициялық саясаткер Алтынбек Сәрсенбайұлын еске алды. "Астана" қонақүйінде ашылған жиынды марқұмның атындағы қоғамдық қор ұйымдастырды.

Еске алу жиынына қоғамдық белсенділер Рысбек Сәрсенбай, Әміржан Қосанов, Маржан Аспандиярова, Гүлжан Ерғалиева, Айдос Сарым, Расул Жұмалы, Төлеген Жүкеев, Жанболат Мамай, құқық қорғаушы Евгений Жовтис, Сергей Дуванов, жазушы Қуандық Түменбай және басқалар қатысып отыр.

Жиында сөйлеген Рысбек Сәрсенбай Қазақстан билігінің саяси және экономикалық саясатын сынға алып, Алтынбек Сәрсенбайұлы қазаға ұшырағаннан бері елде еш нәрсе өзгерген жоқ деп мәлімдеді.

Қазақстандағы адам құқығының жағдайы туралы баяндамасында құқық қорғаушы Евгений Жовтис елде "плюрализм мен саяси оппозицияның біржола жойылғанын", қазақстандықтардың Конституцияда көрсетілген бейбіт шеру, митингіге шығу құқықтары бұзылып отырғаны, ондай жиын, акцияларға жол бермеу мақсатында полицияның азаматтарға алдын ала ескерту жасап, оларды ұстап әкетуі кеңінен тәжірибеге енгенін айтты. Жовтистің сөзінше, Қазақстандағы мұндай тәжірибе барын естіген Батыстағы құқық қорғаушылар қатты таңырқаған.

Алтынбек Сәрсенбайұлының өмірі мен өлімі

1/30 Саясаткер Алтынбек Сәрсенбайұлы. Алматы, 8 ақпан 2006 жыл.

2/30 Сәрсенбай ақсақалдың 90 жасқа толған мерейтойында. Алтынбек (2-ші қатарда оң жақта) жиен немересі Димашты ұстап тұр. Алматы, 25 шілде 2004 жыл.

3/30 Алтынбек Сәрсенбайұлы "Хабар" арнасымен сот кезінде. Алматы, мамыр, 2005 жыл.

4/30 Алтынбек Сәрсенбайұлы (ортада) өзі теңтөрағасы болып сайланатын "Ақ жол" партиясының үшінші съезінде отыр. Алматы, 2004 жыл.

5/30 Алтынбек Сәрсенбайұлы "Ақ жол" партиясы съезінде сөйлеп тұр. Алматы, 2004 жыл.

6/30 Алтынбек Сәрсенбайұлы «Ақ жол» партиясы басшыларыымен бірге баспасөз мәслихатында отыр. Алматы, 20 қыркүйек 2004 жыл.

7/30 "Әділетті Қазақстан" қозғалысының құрылтайы. Алтынбек Сәрсенбайұлы сол жақтан үшінші тұр. Алматы. 2005 жыл.

«Әділетті Қазақтан» <span style="color: rgb(83, 82, 82); font-size: 13px; line-height: 17px; background-color: rgb(241, 242, 244);">қозғалысының алғашқы құрылтайы. Алтынбек Сәрсенбайұлы оң жақтан үшінші тұр. </span>Алматы, 2005 жыл. — 8/30 «Әділетті Қазақтан» қозғалысының алғашқы құрылтайы. Алтынбек Сәрсенбайұлы оң жақтан үшінші тұр. Алматы, 2005 жыл.

9/30 Алтынбек Сәрсенбайұлы (екінші қатарда сол жақтан үшінші) демалыс уақытында.

10/30 Алтынбек Сәрсенбайұлы жары Салтанат Атушевамен бірге.

11/30 Алтынбектің ұлы - Бекжан мен қызы - Шолпан.

12/30 Алтынбек Сәрсенбайұлы өзі ерекше жақсы көрген немере інісінің ұлы Димашпен бірге. Алматы, 25 шілде, 2004 жыл.

13/30 Алтынбек Сәрсенбайұлы (оң жақта) пен көмекшісі Бауыржан Байбосын Шәмші әндері кешінде отыр. Алматы, 2005 жыл.

14/30 Алтынбек Сәрсенбайұлы мен Заманбек Нұрқаділов.

15/30 Алтынбек Сәрсенбайұлы оппозициялық саясаткер Заманбек Нұрқаділовпен қоштасу рәсімінде. Алматы, 15 қараша 2005 жыл.

16/30 Оппозиция жетекшісі Ғалымжан Жақиянов түрмеден босап шыққанда оны вокзалдан қарсы алғандар арасында Алтынбек Сәрсенбайұлы да болған еді. Алматы, 15 қаңтар 2006 жыл.

17/30 Алтынбек Сәрсенбайұлы журналистерге сұхбат беріп тұр. Алматы, 15 қаңтар 2006 жыл.

18/30 2006 жылы ақпанда оппозициялық саясаткер Алтынбек Сәрсенбайұлы мен оның екі көмекшісі – Бауыржан Байбосын және Василий Журавлев қастандықпен өлтірілді.

19/30 Қазақстан оппозициясының жетекшілері Алтынбек Сәрсенбайұлының қазасына байланысты өткізген баспасөз конференциясында. Алматы, 14 ақпан 2006 жыл.

20/30 Алтынбек Сәрсенбайұлымен қоштасу рәсімі. Алматы, 15 ақпан 2006 жыл.

21/30 Алтынбек Сәрсенбайұлымен қоштасу рәсімі Алматыдағы ғылым академиясы ғимаратында өтті. 15 ақпан 2006 жыл.

22/30 Алтынбек Сәрсенбайұлымен қоштасуға мыңдаған адам келді. Алматы, 15 ақпан 2006 жыл.

23/30 Алтынбек Сәрсенбайұлын ақтық сапарға шығарып салу. Алматы. 15 ақпан 2006 жыл.

24/30 Саясаткер Алтынбек Сәрсенбайұлы мен оның екі көмекшісінің қастандықпен өлтірілгеніне наразылық білдіріп шыққан жұрт. Алматы, 27 ақпан 2006 жыл.

25/30 Салтанат Атушева (ортада) Алтынбек Сәрсенбайұлының өлтірілгеніне наразылық шеруінде сөйлеп тұр. Тәуелсіздік ескерткіші, Алматы, 27 ақпан 2006 жыл.

26/30 Алтынбек Сәрсенбайұлы мен қаза тапқан серіктерінің құрметіне қойылған мүйіс.

27/30 Алтынбек Сәрсенбайұлының зираты басына қойылған құлпытасты көруге келген марқұмның ата-анасы. Алматы, 12 қыркүйек 2006 жыл.

28/30 Салтанат Атушева жары Алтынбек Сәрсенбайұлының зираты басында. Алматы, 11 ақпан 2012 жыл.

29/30 Алтынбек Сәрсенбайұлының соңғы суреттерінің бірі. Алматы, 8 ақпан 2006 жыл.

30/30 Алтынбек Сәрсенбайұлының зиратындағы оның сөзі жазылған тас.

2006 жылы ақпанда Қазақстан оппозициясы жетекшілерінің бірі Алтынбек Сәрсенбайұлы мен екі серігі - Василий Журавлев және Бауыржан Байбосынды әлдекімдер ту сыртынан атып өлтірген болатын. Қазақстан соты бұл қылмысқа парламент сенаты аппаратының жетекшісі Ержан Өтембаев "тапсырыс берген" деп тауып, оны 20 жылға соттаған. Оппозициялыққ саясаткерді серіктерімен бірге заңсыз ұстаған ұлттық қауіпсіздік комитетінің "Арыстан" арнаулы бөлімшесінің қызметкерлері де әртүрлі мерзімге сотталды.

"Тапсырыспен адам өлтірген" деп танылып, өлім жазасына кесілген бұрынғы полиция қызметкері Рустам Ибрагимов сот кезінде айтқанынан бірнеше жылдан соң айнып, қылмысқа тапсырысты Қазақстан президенті Нұрсұлтан Назарбаевтың бұрынғы күйеубаласы Рахат Әлиев берді деп жаңа куәлік бергені хабарланғаннан кейін, 2013 жылғы желтоқсанда Қазақстан бас прокуратурасы "Алтынбек Сәрсенбайұлын өлтіруге тапсырыс беруші – Рахат Әлиев" деп мәлімдеген.

2014 жылы қарашада Астананың қылмыстық істер жөніндегі ауданаралық мамандандырылған сотының шешімі бойынша Ержан Өтембаев бостандыққа шыққан.

Алтынбек Сәрсенбайұлының туыстары Өтембаевтың кінәсіз, ал басқалардың кінәлі екенін билік дәлелдей алған жоқ деп мәлімдеп, шешіммен келіспеген. 2015 жылы мамырда Астана қалалық сотының кассациялық алқасы Өтембаевты мерзімінен бұрын шартты жазамен босатқан сот шешіміне қатысты шағымды қабылдамай тастады.

Сегіз жылға жуық түрмеде отырып шыққан соң Ержан Өтембаев ешқандай саяси-қоғамдық жұмысқа араласқан жоқ. Ол 2018 жылы маусымда қайтыс болды.

Алматыда Алтынбек Сәрсенбайұлын еске алды

Алтынбек Сәрсенбайұлының өмірі мен өлімі

AZATTYQ Facebook-та

AZATTYQ VK-да

AZATTYQ Youtube-та

Accessibility links

Жазылыңыз

Алматыда Алтынбек Сәрсенбайұлын еске алды

Алтынбек Сәрсенбайұлының өмірі мен өлімі

AZATTYQ Facebook-та

AZATTYQ VK-да

AZATTYQ Youtube-та