Accessibility links

Шымкентте жеке үйдегі жарылыстан екі адам зардап шекті


Жарылыс болған үйдің алдында тұрған көлік. Забадам шағын ауданы, Шымкент, 11 ақпан 2019 жыл.

Шымкент қаласының Еңбекші ауданы Забадам шағын ауданындағы жеке тұрғын үйде бүгін таңертең болған жарылыстан зардап шеккен екі адам қалалық ауруxананың жан сақтау бөліміне түсті.

Жарылыс болған үйдің маңын таңертеңнен бері полиция қоршап тұр. Оқиға болған жерде медициналық жедел жәрдем мен төтенше жағдайлар қызметінің өкілдері мен әскерилер де жүр.

Шағын ауданның тұрғыны Сәлима Өскенбаеваның Азаттық тілшісіне айтуынша, 11 ақпанда таңертеңгі сағат он жарымдар шамасында қатты жарылыс даусы естілген.

"Қатты қорқып кеттік. Жедел жәрдем келгеннен кейін үйдің жан-жағын жарты сағаттың ішінде полиция қоршап алды" дейді ол.

Тұрғындардың сөзінше, жарылыс болған жеке тұрғын үйде үш баласы бар жас отбасы тұрған. Жарылыс балалар мектеп пен балабақшаға, әйелі жұмысқа кеткен кезде болған.

Жарылыс салдарынан жарақат алған екі адам жедел жәрдем көлігімен Шымкенттегі №1 қалалық ауруxананың жан сақтау бөліміне жеткізілген. Қалалық денсаулық сақтау басқармасының баспасөз қызметі зардап шеккендерге ота жасалып жатқанын xабарлады.

Қазақстан ішкі істер министрлігінің дерегінше, екі тұрғын бұрын қалып қойған снарядты қазып, метал қабылдайтын жерге өткізбек болған.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

ПІКІРЛЕР

AzattyqTV

Қазақстан премьерлерінің тарихы
please wait

No media source currently available

0:00 0:01:48 0:00

Фотогалерея

XS
SM
MD
LG