АҚШ-тың Қазақстандағы елшісі болып Уильям Мозер тағайындалды. Бұл ақпаратты АҚШ-тың Қазақстандағы елшілігі Facebook-тегі парақшасында таратты.
2018 жылы тамыз айында АҚШ президенті Дональд Трамп Уильям Мозерді Қазақстан елшісі ретінде тағайындауды ұсынған.
Мозердің дипломатия саласында 35 жылдық тәжірибесі бар. Ол бұған дейін АҚШ-тың Украина, Қазақстан, Египет, Суринам және Малидегі елшіліктерінде қызмет атқарған.
2011-2015 жылдар аралығында АҚШ-тың Молдовадағы елшісі болды. Соңғы жылдары АҚШ мемлекеттік департаменті басқарма бастығының орынбасары қызметінде болды. Орыс, неміс, француз тілдерінде еркін сөйлейді.
ПІКІРЛЕР