Accessibility links

Ақтөбе қалалық тұрғын үй қорының жетекшісі ұсталды


12 сәуір күні Ақтөбеде "алаяқтық жасады" деген күдікпен қалалық тұрғын үй қорының жетекшісі Жанаргүл Дүйсекенова қамауға алынды. Тергеу Дүйсекенова қызмет бабын пайдаланып, азаматтардан көп мөлшерде ақша алған деп күдіктеніп отыр.

Прокурордың сөзінше, Ақтөбе қалалық тұрғын үй қорының жетекшісі Жанаргүл Дүйсекенова 2015-2018 жылдар аралығында мемлекеттік бағдарлама бойынша жеңілдікпен берілетін пәтерлер үшін Ақтөбенің 40 тұрғынынан аса ірі мөлшерде ақша алған. Мемлекеттік айыптаушының айтуынша, шенеунік бұл әрекетін М. есімді азаматпен алдын ала сөз байласып, жүзеге асырған. Күдікті өзіне тағылған айыпты мойындамады.

- 15 жылдан бері мемлекеттік қызметте істеп жүрмін. Еңбек жолымды қоғамдық жұмыстардан бастадым. Қызметте ешкімнің қолдауынсыз, өз еңбегіммен өстім. Соттан тергеу изоляторына қамауды сұраймын, - деді Жанаргүл Дүйсекенова.

12 сәуір күні Ақтөбе қаласының мамандандырылған тергеу соты 39 жастағы Жанаргүл Дүйсекенованы екі ай мерзімге қамауға алуға санкция берді.

  • 16x9 Image

    Жаңагүл ЖҮРСІН

    Жаңагүл Жүрсін - Азаттықтың Ақтөбе облысындағы тілшісі. 1975 жылы 16 желтоқсанда дүниеге келген. 1996 жылы Қ.Жұбанов атындағы Ақтөбе университетін бітірген. Еңбек жолын Ақтөбе облыстық телевидениесінен бастап, әр жылдары осы өңірдегі түрлі БАҚ-та тілші, редактор, бас редактор қызметін атқарған. Азаттықпен 2011 жылдан бері әріптес.

ПІКІРЛЕР

XS
SM
MD
LG