Accessibility links

Қазақстан үкіметі президент сайлауын өткізуге 9,4 миллиард теңге бөлмек


Парламент сайлауында дауыс беріп жатқан тұрғын. Қызылорда облысы, Төретам ауылы. 20 наурыз, 2016 жыл.
Парламент сайлауында дауыс беріп жатқан тұрғын. Қызылорда облысы, Төретам ауылы. 20 наурыз, 2016 жыл.

9 маусымда өтетін кезектен тыс президент сайлауына Қазақстан үкіметі 9,4 миллиард теңге (24,7 миллион доллар) бөлуді жоспарлап отыр. Қаржы бөлу туралы үкімет қаулысының жобасы 14 сәуірде ашық нормативтік құқықтық актілер порталында жарияланды.

Қаулы жобасында "2019 жылға арналған республикалық бюджетте шұғыл шығындарға көзделген Қазақстан үкіметінің резервінен 9 404 771 000 теңге қаражат бөлінсін" деп жазылған.

Қаржының 9,3 миллиард теңгесі - орталық сайлау комиссиясына, 56,8 миллион теңгесі сыртқы істер министрлігіне бөлінеді. Қаражаттың дұрыс жұмсалуын бақылауды үкімет қаржы министрлігіне тапсырған.

Құжат 29 сәуірге дейін талқыланады.

Бұған дейін орталық сайлау комиссиясы сайлау өткізуге 12 миллиард теңге сұраған. Бірақ кейіннен Қазақстан қаржы министрлігі бұл қаржыны қысқартты.

Видео: Сайлауға бөлінген қаржы қайда жұмсалады?

Назарбаеваның айтқаны және сайлау шығыны
please wait

No media source currently available

0:00 0:02:28 0:00

Қазақстан президенті Қасым-Жомарт Тоқаев 9 сәуірде республикалық арналар эфирінен жасаған мәлімдемесінде Қазақстандағы кезектен тыс президент сайлауы 2019 жылдың 9 маусымында өтетін айтқан.

10 сәуірде орталық сайлау комиссиясы кандидаттарды ұсыну 28 сәуірде аяқталатынын жариялады.

Қазақстанда 30 жылға жуық билік құрған Назарбаев 19 наурызда кенеттен президент қызметінен кететінін жариялаған. Ол мәлімдемесінде сайлау өткенше Қасым-Жомарт Тоқаев президент болатынын айтқан. Тоқаев 20 наурызда ант беріп, қызметіне кіріскен.​

ПІКІРЛЕР

XS
SM
MD
LG