Accessibility links

Тікішегі күйген шымкенттік сәби ауруханадан шықты


Көрнекі сурет

Шымкенттегі қалалық жұқпалы аурулар ауруханасында клизмадан тікішегі күйіп қалған он айлық сәби Алматыдағы балалар педиатриясы және хирургиясы орталығында емделіп шықты. Бұл туралы 24 сәуірде баланың әкесі Ерболат Саменов айтты.

Он айлық бала 25 наурызда іш ауруымен Шымкенттегі жұқпалы аурулар ауруханасына түскен. 28 наурызда дәрігерлер клизма жасап жатқан кезде баланың тікішегін күйдіріп алған. Ем алдында медбикелердің су температурасын өлшемегені анықталған.

Осы оқиғадан кейін үш медбике жұмыстан босатылып, емдеуші дәрігер мен жұқпалы аурулар аурухананың бас дәрігеріне тәртіптік шара бойынша қатаң сөгіс жарияланған. Бұдан бөлек бас дәрігерге 45 айлық есептік көрсеткіш (112 мың теңге) мөлшерінде айыппұл салынған.

Нәрестенің әкесі Ерболат Саменов оқиғаға байланысты полицияға арызданған.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

ПІКІРЛЕР

XS
SM
MD
LG