Сайт бұғатталып тұрса да, материалды осы сілтемемен кіріп оқуға болады
Чернобыль атом электр станциясы.
1986 жылы Чернобыль атом электр станциясында болған апаттан кейін пайда болған радиация деңгейі жоғары аймақтарда шамамен бір жарым миллион ресейлік тұрып жатыр. Олардың 200 мыңы ғана тұрақты қоныстанған. Апаттың 33 жылдығын атап өту шарасында ұлттық радиация-эпидемиологиялық регистр ғалымдары осындай дерек айтты.
Ғалымдардың айтуынша, ұлттық радиация-эпидемиологиялық регистрінде апат кезінде радиация әсеріне ұшыраған 700 мыңнан астам ресейлік тіркелген. Олардың 200 мыңы - Чернобыль апатының салдарын жоюға атсалысқан азаматтар. Ал 350 мың адам - станцияға жақын орналасқан Ресейдің Калуга, Орлов, Брянск және Тула облысының тұрғындары.
Жыл сайын медициналық тексеруден шамамен миллион адам өтеді, олардың төрттен бір бөлігі - балалар.
1986 жылы 26 сәуірге қараған түні Чернобыль атом электр станциясының төртінші энергетикалық блогында жарылыс болып, Еуропаның 200 мың шаршы шақырым жері радиоактивті заттармен ластанды. Бұл негізінен Украина, Беларусь және Ресей аумақтары. Мыңдаған адам зардап шекті. Айналаға жалпы қуаты шамамен 50 миллион кюриді құрайтын радиоактивті заттар тараған. Бұл ғалымдардың есептеуінше, Жапонияның Хиросима қаласына 500 рет тасталған атом бомбасының салдарына пара-пар. Мамандар Чернобыль апатын әлемдегі ең ірі апаттар қатарына жатқызады.
1986-1992 жылдар аралығында Қазақстаннан 35 мыңнан астам адам Чернобыль апат салдарын жоюға жіберілген.
Чернобыль АЭС-і апаты
1/231986 жылы сәуірдің 26-сында Чернобыль атом электр станциясында болған жарылыстан кейін түсірілген алғашқы фотолардың бірі. Мұрағаттағы сурет.
Сайт бұғатталып тұрса да, материалды осы сілтемемен кіріп оқуға болады
4/23Совет одағы коммунистік партиясы орталық комитетінің бас хатшысы Михаил Горбачев (ортада) Чернобыль атом станциясында. 23 ақпан 1989 жыл. Мұрағаттағы сурет.
Сайт бұғатталып тұрса да, материалды осы сілтемемен кіріп оқуға болады
13/23Апаттан кейін иен қалған ғимарат ішінде совет кезіндегі коммунистік партия басшыларының портреттері жатыр. Чернобыль аймағы, Украина. Мұрағаттағы сурет.
Сайт бұғатталып тұрса да, материалды осы сілтемемен кіріп оқуға болады
15/23Иен қалған Припять қалашығындағы үйдің қабырғасына салынған жылап тұрған жас баланы бейнелейтін граффити. Сырт жағында апат болған Чернобыль АЭС-нің №4 блогы көрініп тұр. 4 сәуір 2011 жыл. 4 сәуір 2011 жыл.
Сайт бұғатталып тұрса да, материалды осы сілтемемен кіріп оқуға болады
19/231986 жылы сәуірдің 26-ы күні апат шыққан Чернобыль АЭС-нің №4 блогы маңындағы қауіпті радиация барын ескертетін белгі. Украина, 23 сәуір 2013 жыл.
Сайт бұғатталып тұрса да, материалды осы сілтемемен кіріп оқуға болады
21/23Чернобыль АЭС-індегі апаттан Еуропаның оннан аса мемлекетінің 145 мың шаршы шақырым жері радиоактивті заттармен ластанып, миллиондаған халық зардап шекті. Суретте: Могилев аймағы, Беларусь. 24 сәуір 2013 жыл.
Сайт бұғатталып тұрса да, материалды осы сілтемемен кіріп оқуға болады
23/23Дозиметр 1986 жылы сәуірдің 26-ы күні апат шыққан Чернобыль АЭС-нің №4 блогы маңындағы радиация мөлшерін көрсетіп тұр. Украина, 26 сәуір 2012 жыл.
