Accessibility links

Нұр-Сұлтанда белгісіз екеу Азаттық тілшілерінің жұмысына кедергі келтірді


Белгісіз екеу қолшатырмен Азаттық операторының жұмысына кедергі келтірді
please wait

No media source currently available

0:00 0:01:14 0:00

Видео: Белгісіз екеу қолшатырмен Азаттық операторының жұмысына кедергі келтірді

9 мамырда Нұр-Сұлтанда қолшатыр ұстаған белгісіз екі адам Азаттық тілшілерінің жұмысына кедергі келтірді.

Нұр-Сұлтан полициясы "Мәңгілік полк" шеруі өтіп жатқан маңда "Никто кроме нас" (Бізден басқа ешкім емес) деген жазу жазылған тақтайшамен жүрген адамды ұстады. Азаттықтың операторы полицияның осы әрекетін түсіріп жатқанда екі адам қолшатырмен камераны көлегейледі. Полиция адамды не себепті ұстағанын айтпады.

Белгісіз азаматтар Азаттықтың түсірілім тобына кедергі келтіріп тұр. Нұр-Сұлтан, 9 мамыр 2019 жыл.
Белгісіз азаматтар Азаттықтың түсірілім тобына кедергі келтіріп тұр. Нұр-Сұлтан, 9 мамыр 2019 жыл.

Ал Нұр-Сұлтан қалалық полиция департаментінің өкілі Бақытжан Малыбаев Азаттық тілшісіне 9 мамыр - Жеңіс күніне арналған шара тыныш өтіп жатқанын, полиция ешкімді ұстамағанын айтты.

Полиция "Никто кроме нас" жазуымен жүрген адамды ұстап әкетіп барады. Нұр-Сұлтан, 9 мамыр 2019 жыл.
Полиция "Никто кроме нас" жазуымен жүрген адамды ұстап әкетіп барады. Нұр-Сұлтан, 9 мамыр 2019 жыл.

9 мамыр таңертеңнен бастап Қазақстанда бірнеше БАҚ бұғатталған. Оның ішінде Азаттық радиосының сайты да бар. Бұл күні Алматы мен Ақтөбеде полиция бірнеше белсендіні ұстап әкетті. Билік бұғаттау мен адамдардың ұстауларына қатысты әзірге түсінік берген жоқ.

Бұған дейін елде тыйым салынған "Қазақстанның демократиялық таңдауы" қозғалысының жетекшісі Мұхтар Әблязов Қазақстанның бірнеше қаласында 9 мамыр күні "Мәңгілік полк" шеруімен қатар митингіге шығуға шақырған.

Қазақстан билігі азаматтарды 9 мамырда заңсыз митингіге шықпауға шақырып, қатысқандардың "қатаң жауапқа тартылатынын" ескерткен.Қазақстан президенті Қасым-Жомарт Тоқаев та бейбіт жиын өткізуге рұқсат алу қажетін айтқан.

ПІКІРЛЕР

XS
SM
MD
LG