Accessibility links

Алматыда журналист Розлана Таукинаны ақтық сапарға шығарып салды


Журналист Розлана Таукинаның жаназасына жиналған жұрт. Алматы, 29 мамыр 2019 жыл.

29 мамырда Алматыда журналист Розлана Таукинаны жақындары мен туыстары ақтық сапарға шығарып салды. 26 мамырда ауруханада көз жұмған қоғам қайраткері әрі құқық қорғаушы биыл 60-қа толған. Оның артында жұбайы, екі ұлы мен немересі қалды.

Розлана Таукинаны жерлеу рәсіміне жүзге тарта адам қатысты. Олардың басым бөлігі құқық қорғаушылар, журналистер, саясаткерлер болды. Олар құқық қорғаушының мезгілсіз қазасына өкініш білдіріп, естеліктерімен бөлісті.

Розлана Таукина 1990 жылдардың басында Қазақстандағы алғашқы тәуелсіз телеарналардың бірі – "Тотемді" құрып, басқарған медиа менеджер ретінде танылған еді. Оның "Тотемі" журналист Сергей Дувановтың "ТВ Макс" телеарнасынан кейін ашылған екінші тәуелсіз арна болатын. 1992 жылы алдымен "Макс радиосы" құрылып, кейін "ТВ Макс" арнасына айналғанда Розлана оның бас редакторы да болған.

Билік 1996 жылы теле және радио жиіліктерге өткен тендерде 30-дан аса тәуелсіз телерадио компанияны лицензиясынан айырып, эфирсіз қалдырды. Оның ішінде "Тотем" мен "ТВ Макс" та болды.

Розлана халықаралық "Соғыс және бейбітшілік институтының" Қазақстандағы алғашқы мүшесіне айналды. Кейін 2000 жылы "Журналистер қауіп-қатерде" қорын құрып, оны 12 жыл басқарды. Қор сотталған журналист Рамазан Есіргеповті қорғау комитетін құрып, қамауда болған үш жыл бойы оны қолдап тұрды. Таукина 2012 жылы Есіргепов босап шыққаннан кейін қордың басшылығын оған тапсырды.

Оқи отырыңыз: "Розлана қандай қиын жағдай болса да, мойымайтын еді"

Таукина 2016 жылы демократияның дамуы мен азаматтық қоғам құруға үлес қосып жүрген азаматтарға берілетін "Азаттық" сыйлығына ие болған.

Белгілі журналист Розлана Таукина 60 жасында дүниеден озды
please wait

No media source currently available

0:00 0:02:03 0:00

  • 16x9 Image

    Мәншүк АСАУТАЙ

    1980 жылы туған. Е.Бөкетов атындағы Қарағанды мемлекеттік университетін бітірген.

    Қарағанды қаласындағы жергілікті телеарнада қызмет еткен. 2004 жылдан бері Азаттықтың тілшісі. 

    Автормен оның Facebook парақшасында да пікірлесуге болады.

ПІКІРЛЕР

XS
SM
MD
LG