Accessibility links

Нұр-Сұлтанда көп балалы аналар әлеуметтік жәрдем талап етіп Ақордаға барды


Биліктен әлеуметтік жәрдем талап етіп келген көп балалы және жалғызілікті аналар. Нұр-Сұлтан, 3 маусым 2019 жыл.

Дүйсенбі, 3 мамырда Нұр-Сұлтан қаласында ондаған көп балалы, жалғызілікті ана төрт айдан бері баспана мәселесін шеше алмай жүргендерін айтып, билікке наразылық білдірді.

Ақорданың алдына жиналған аналар Қазақстанның бұрынғы президенті Нұрсұлтан Назарбаевтың, елдің қазіргі президенті Қасым-Жомарт Тоқаевтың шығуын талап етті. Наразылар жиналған жерге қалалық әкімдік, еңбек және әлеуметтік көмек министрлігі өкілдері мен полицейлер келіп, сырттай бақылап тұрды.

Біршама уақыттан кейін наразы аналарға келген прокуратура өкілі "мәселені бейбіт жолмен шешу" үшін парламент мәжілісіне баруды ұсынды.

Бұдан соң аналар мәжіліске баруға келісті. Азаттық бұл туралы тікелей эфирде хабар таратып жатыр.​

  • 16x9 Image

    Әсемгүл МҰХИТҚЫЗЫ

    2004 жылы Павлодар мемлекеттік университетін журналистика мамандығы бойынша тәмамдаған. "КТК-7"  телеарнасында тілші  (2003-2005), "Қазақстан-Павлодар" облыстық телеарнасында редактор, шеф-редактор (2005-2013), "Астана" телеарнасы Павлодар облысындағы меншікті тілшісі (2013-2019) болып жұмыс істеген. 2019 жылдан бері Азаттықтың Нұр-Сұлтан қаласындағы тілшісі.  

ПІКІРЛЕР

XS
SM
MD
LG