Белгісіз біреу Азаттық тілшілеріне газ шашып, жұмысына кедергі келтірді

Азаттық радиосы

6 шілде 2019 жыл, 20:42

Белгісіз азаматтар қолшатырмен Азаттықтың түсірілім тобына кедергі жасап тұр. Нұр-Сұлтан, 6 шілде 2019

6 шілде кешке Нұр-Сұлтандағы наразылық шарасынан тікелей эфирде ақпарат таратқан Азаттық тілшілері Өркен Жоямерген мен Ержан Әмірхановқа белгісіз біреу шағын баллоннан газ шашып кеткен. Ол баллонды Азаттық тілшілеріне бағыттағанымен, сол жерде журналистер көп болғандықтан өзге де тілшілерге тиген.

- 45-50 жасқа таяған шашы ағарған сұр түсті футболка киген азамат Ержанның камерасын төмен қарай басып, газ сеуіп кетті. Ержан екеуміз бұл кезде қатарынан бір жаққа қарап тұрғанбыз. Менің оң жағымнан, Ержанның сол жағынан сеуіп кетті. Менің оң көзім, оң қолым, Ержанның сол көзі, сол қолы, қолтығына дейін сепкен. Ержан полицияға "газ шашып кетті" деп айғайлады. Бірақ ешкім мән берген жоқ. Қазірге дейін қолымыз, көзіміз ашып тұр. Егер бетімізге тура шашқан кезде мүлде жұмысымызды жалғастыра алмас едік, - деді Өркен Жоямерген.

Бұл күні қолшатыр ұстаған маска таққан қара киімдегі екі адам Азаттықтың түсірілім тобына кедергі келтіріп, наразылық шарасынан ақпарат таратуға барынша бөгет жасаған. Олар камера бетін көлегейлеп, оқиғаны неғұрлым түсіртпеуге тырысқан. Бұған қоса, олар тілшілерге бейәдеп сөздер айтып, қоқан-лоқы жасаған.

Дәл осыған ұқсас жағдай Шымкентте де қайталанды. Көк және қара түсті қолшатыр ұстаған адам бірнеше сағат бойы Шымкенттегі Әл-Фараби алаңынан ақпарат таратқан Азаттық тілшісінің соңынан қалмай, түсіруіне кедергі жасаған. Сол маңда жүрген полиция осы адамдардың әрекетіне ешқандай шара қолданбаған.

6 шілде астана күні Алматы, Нұр-Сұлтан, Шымкент және Ақтөбеде полиция "рұқсат етілмеген митингке шыққан" жүздеген адамды ұстады.

Астана күні полиция адамдарды қалай ұстады?

1/20 Жергілікті уақыты бойынша сағат 19.00-ден өте полиция Алматыдағы Абай және Ахмет Байтұрсынов көшесі маңайында жүрген адамдарды күштеп ұстай бастады. Қазақстан билігінің оппоненті Мұхтар Әблязов үндеуінде митингіні осы маңнан бастауға шақырған.

2/20 Полиция адамдарды еш түсіндірместен күштеп ұстап, сол маңда тұрған арнайы көліктерге салып жатты.

3/20 Абай мен Ахмет Байтұрсынов көшесі маңында болған Азаттық тілшілерінің есебінше, полиция жүзден астам адамды ұстаған.

4/20 Ұсталғандардың кейбірі "бұл маңнан жай өтіп бара жатқандарын, ешқандай митингіге келмегендерін" айтса да, полиция олардың сөзіне құлақ аспады.

5/20 Алматы полициясы ұсталғандарды бөлімшеге әкетті.

6/20 Абай мен Ахмет Байтұрсынов көшесінің маңында қаладағы аудан әкімдері мен прокуратура өкілдері де жүрді. Олар халыққа осы маңнан тарауды бірнеше рет талап етті.

7/20 Абай көшесінің бойында Қазақстан туын ұстап тұрған адам.

8/20 Полиция Абай көшесінің бойында адамдардың бірін ұстап, көлікке салып жатыр. Халықаралық ұйымдар "Қазақстан билігі адам құқығын жиі бұзады және азаматтардың бейбіт митингіге шығуына көп кедергі жасайды" деп айыптайды. Қазақстан бұл айыптауларға жиі жауап бермейді.

9/20 Полиция Балуан Шолақ спорт сарайы маңында жүрген адамның бірін ұстап әкетіп барады. 4 шілдеде Қазақстан бас прокуратурасы "6 шілдеде заңсыз митингіге шыққандар заңға сай жазаланатынын" мәлімдеген.

Азаттық тілшілерінің хабарлауынша, Абай және Ахмет Байтұрсынов көшесі бойындағы сауда орталықтары, дүкендер жабылып, арнайы жасақ пен полиция саны көбейген. 9 маусым сайлау өткен күні Алматыда, Нұр-Сұлтанда наразылық шарасы өтіп, мыңнан астам адам билікке, сайлауға қарсы жаппай наразылыққа шыққан. Наразы халық сайлаудың әділдігіне күмән келтіріп, Астана атауын Нұр-сұлтан деп өзгертуге қарсы болған. 9-12 маусымда Қазақстан полициясы мыңдаған адамды ұстаған. — 10/20 Азаттық тілшілерінің хабарлауынша, Абай және Ахмет Байтұрсынов көшесі бойындағы сауда орталықтары, дүкендер жабылып, арнайы жасақ пен полиция саны көбейген. 9 маусым сайлау өткен күні Алматыда, Нұр-Сұлтанда наразылық шарасы өтіп, мыңнан астам адам билікке, сайлауға қарсы жаппай наразылыққа шыққан. Наразы халық сайлаудың әділдігіне күмән келтіріп, Астана атауын Нұр-сұлтан деп өзгертуге қарсы болған. 9-12 маусымда Қазақстан полициясы мыңдаған адамды ұстаған.

11/20 Нұр-Сұлтанда да полиция жүзге жуық адамды ұстады. Бет перде киіп, қолшатыр ұстаған белгісіз адамдар Азаттықтың түсірілім тобының камерасын көлегейлеп, жұмысына кедергі келтірді. Азаттық тілшілері сол маңда жүрген полицияларге белгісіз адамдардың әрекетін айтып шағымданса да, құқық қорғау органының өкілдері ешқандай реакция танытқан жоқ.

Осы күні  Шымкентте де полиция ондаған адамды ұстады. Белгісіз біреулер қолшатырмен Азаттық тілшісінің жұмысына кедергі келтірді. — 12/20 Осы күні Шымкентте де полиция ондаған адамды ұстады. Белгісіз біреулер қолшатырмен Азаттық тілшісінің жұмысына кедергі келтірді.

Шымкенте ешқандай форма кимегендер де адамдарды ұстады.  <br /> — 13/20 Шымкенте ешқандай форма кимегендер де адамдарды ұстады.

14/20 Шымкентте полиция Әл-Фараби көшесі бойында жүрген адамды ұстаған сәт.

15/20 Шымкент полициясы адамдардың бірін күштеп әкетіп барады. Әл-Фараби көшесі бойында жүрген адамдар ешқандай ұран айтпады.

16/20 Шымкентте формасыз жүрген кейбіреулер полицейлерге адамдарды ұстауға көмектесті.

17/20 Азаттық тілшісінің хабарлауынша, осы күні Ақтөбеде де полиция отыздан астам адамды ұстаған.

6 шілде таңертең биліктегі "Нұр Отан" партиясы Алматыда рұқсат етілген митинг өткізіп, "елді арандатушыларды" сынаған. <span style="font-size: 1em;">Митингіге қатысушылар "Әблязов нағыз алаяқ", "Соғысқа қарсымыз", "Экстремисті қолдама" деген жазуы бар плакат ұстап тұрды. </span> — 19/20 6 шілде таңертең биліктегі "Нұр Отан" партиясы Алматыда рұқсат етілген митинг өткізіп, "елді арандатушыларды" сынаған. Митингіге қатысушылар "Әблязов нағыз алаяқ", "Соғысқа қарсымыз", "Экстремисті қолдама" деген жазуы бар плакат ұстап тұрды.

20/20 Алматыда өткен "Нұр Отан" партиясының "алаяқтарға қарсы" митингіне келгендердің бірі.

Нұр-Сұлтанда журналистерге қызмет барысында қолшатырмен кедергі жасау оқиғасы бірінші рет болып отырған жоқ. Алайда газ шашып, жұмысқа бөгет жасау алғаш рет кездесіп отыр.

Бұдан алдын, биыл 9 маусымда Нұр-Сұлтанда наразылық шарасынан хабар таратуға барған Азаттық тілшісі Тимур Айтмұхаметовке де белгісіз біреу қолшатырмен кедергі келтірген. Қолшатыр ұстаған адам Азаттық операторының камерасын жапқан.

Ал мамырдың 1-і күні Нұр-Сұлтандағы шарадан хабар тарату кезінде белгісіз адамдар Азаттық тілшісі Сәния Тойкеннің қолын қайырып, смартфонын тартып алған. Сол күні таңертең белгісіз адамдар Азаттық операторы Ержан Әмірхановтың көлігінің терезесін шағып кетсе, Тимур Айтмұханбетовтің тұрақта тұрған көлігігінің алдына әлдекімдер автокөлік қойып, жолын жауып тастаған.

22 наурызда да Қазақстан астанасындағы наразылықты түсіруге барған Азаттық тілшілері Өркен Жоямерген мен Тимур Айтмұханбетовке сол маңда жүрген, өздерін "студентпіз" деп таныстырған бір топ жас жұмыс істеуге кедергі келтірді. Азаттық тілшілерінің жұмысына кедергі келтіру сол күні Алматыда болған наразылық кезінде де байқалды. Бұған ұқсас оқиғалар Шымкентте де байқалған.

Оқи отырыңыз: Шымкентте полиция 50-ге жуық адамды ұстаған

"Азат Еуропа/Азаттық радиосы" медиакорпорациясы осы компанияның журналистеріне жасалған кедергіні сынаған. Медиакорпорация тілшілерге жасалған кедергіні "тәуелсіз журналистерге қысым және саяси оқиғалардан хабар таратуға тырысқан ақпарат құралдарын бақылауда ұстау әрекеті" деп бағалаған.

Accessibility links

Жазылыңыз

Белгісіз біреу Азаттық тілшілеріне газ шашып, жұмысына кедергі келтірді

Астана күні полиция адамдарды қалай ұстады?