Зеленский Чернобыльді туристік аймақ деп таныды

10 шілде 2019 жыл, 20:29

Чернобыль атом электр станциясының үстіне тұрғызылған саркофаг.

Украина президенті Владимир Зеленский Чернобыль аумағына туристерге еркін қатынауға мүмкіндік беретін қаулыға қол қойды.

Бұл туралы президент жарылыс болған Чернобыль атом электр станциясының үстіне салынған жаңа саркофагты ашу рәсімінде айтты.

Зеленский "Бұл қаулым оқшау жатқан аймақты Украина дамуының бастауы болатындай етіп түрлендіреді. Жемқорлыққа итермелейтін, ақылға қонбайтын тыйымдар алынып тасталады" деді. Президент сөзінше, "енді Чернобыль инвестиция мен болашағы зор Украина азаттығының символына айналады".

2019 жылы мамырда америкалық HBО телеарнасы атом станциясындағы апат туралы баяндайтын "Чернобыль" сериалын шығарды. IMDb сайты қолданушыларының бағасымен сериал тарихтағы ең мықты 250 сериал тізімінде бірінші орынға шықты. Фильмнен соң Украинадағы апат орнын көруге келген туристер саны күрт өскен.

1986 жылы 26 сәуірге қараған түні Чернобыль атом электр станциясының төртінші энергетикалық блогында жарылыс болып, Еуропаның 200 мың шаршы шақырым жері радиоактивті заттармен ластанды. Бұл негізінен Украина, Беларусь және Ресей аумақтары.

Мыңдаған адам зардап шекті. Айналаға жалпы қуаты шамамен 50 миллион кюриді құрайтын радиоактивті заттар тараған. Бұл ғалымдардың есептеуінше, Жапонияның Хиросима қаласына 500 рет тасталған атом бомбасының салдарына пара-пар. Мамандар Чернобыль апатын әлемдегі ең ірі апаттар қатарына жатқызады.

Чернобыль АЭС-і апаты

1/23 1986 жылы сәуірдің 26-сында Чернобыль атом электр станциясында болған жарылыстан кейін түсірілген алғашқы фотолардың бірі. Мұрағаттағы сурет.

3/23 Чернобыльдағы апаттан соң оқиға болған жерге келген алғашқы құтқарушылардың бір тобы. Мұрағаттағы сурет.

4/23 Совет одағы коммунистік партиясы орталық комитетінің бас хатшысы Михаил Горбачев (ортада) Чернобыль атом станциясында. 23 ақпан 1989 жыл. Мұрағаттағы сурет.

5/23 Жас баланың газтұтқысы мен аяқ киімі. Чернобыль атом электр станциясы маңындағы иен қалған Припят қаласы. 4 сәуір 2011 жыл.

6/23 Апат аймағындағы ғимараттардың бірінде қалған кітаптар. Украина. Мұрағаттағы сурет.

7/23 Чернобыль апатының салдарын жоюға Қазақстаннан қатысқандардың бірі Советқазы Қайсанов. Семей, 26 сәуір 2012 жыл.

8/23 Чернобыль апатының салдарын жоюға Қазақстаннан қатысқандардың бір тобы. Семей, 26 сәуір 2012 жыл.

9/23 Чернобыльдің түбіндегі иен қалған Припят қалашығының саябағы, Украина. Сәуір, 2010 жыл.

10/23 27 жыл бұрынғы апат салдарынан иен қалған Припят қалашығының қазіргі көрінісі. Чернобыль аймағы, Украина. 23 сәуір 2013 жыл.

11/23 Чернобыль аймағы, Украина. Мұрағаттағы сурет.

13/23 Апаттан кейін иен қалған ғимарат ішінде совет кезіндегі коммунистік партия басшыларының портреттері жатыр. Чернобыль аймағы, Украина. Мұрағаттағы сурет.

15/23 Иен қалған Припять қалашығындағы үйдің қабырғасына салынған жылап тұрған жас баланы бейнелейтін граффити. Сырт жағында апат болған Чернобыль АЭС-нің №4 блогы көрініп тұр. 4 сәуір 2011 жыл. 4 сәуір 2011 жыл.

19/23 1986 жылы сәуірдің 26-ы күні апат шыққан Чернобыль АЭС-нің №4 блогы маңындағы қауіпті радиация барын ескертетін белгі. Украина, 23 сәуір 2013 жыл.

20/23 Балалар Чернобыль апаты құрбандарына арналған монументке гүл шоқтарын қойып жатыр. Киев, Украина. 26 сәуір 2012 жыл.

21/23 Чернобыль АЭС-індегі апаттан Еуропаның оннан аса мемлекетінің 145 мың шаршы шақырым жері радиоактивті заттармен ластанып, миллиондаған халық зардап шекті. Суретте: Могилев аймағы, Беларусь. 24 сәуір 2013 жыл.

22/23 АЭС апатының салдарын жоюшыларға арналған ескерткіш. Чернобыль қаласы, Украина. 19 сәуір 2010 жыл.

23/23 Дозиметр 1986 жылы сәуірдің 26-ы күні апат шыққан Чернобыль АЭС-нің №4 блогы маңындағы радиация мөлшерін көрсетіп тұр. Украина, 26 сәуір 2012 жыл.

1986-1992 жылдар аралығында Қазақстаннан 35 мыңнан астам адам Чернобыль апат салдарын жоюға жіберілген.

Accessibility links

Жазылыңыз

Зеленский Чернобыльді туристік аймақ деп таныды

Чернобыль АЭС-і апаты