Accessibility links

Желідегі видеоүндеуі үшін он күнге қамалған белсенді босап шықты


10 күнге қамалған Мұрат Байдуллаевтың (оң жақта) босап шыққан сәті. Шымкент, 16 шілде 2019 жыл

16 шілде күні 10 күн бұрын Шымкентте "рұқсат етілмеген митингіге шақырғаны" үшін қамалған Түркістан облысы Төле би ауданының тұрғыны үшінші топтағы мүгедек Мұрат Байдуллаев бостандыққа шықты.

Ол 2 шілде күні Қазақстанға Қытайдан инвестиция тартуға қарсылық білдіріп Facebook әлеуметтік желісі арқылы видеоүндеу жолдаған. Сот оны осы әрекеті үшін 10 тәуілкке қамауға шешім шығарған.

Мұрат Байдуллаев босап шыққанда достары мен туыстары күтіп алды.

6 шілде күні 53 жастағы Мұрат Байдуллаевты Төле би аудандық соты «бейбіт жиналыстар, митингілер, шерулер, пикеттер және демонстрациялар ұйымдастыру мен өткізу тәртібін» бұзды деп айыптаған. Ол Қазақстанға Қытайдан инвестиция тартуға қарсы шыққанын мойындайды.

Түркістан облысында арнайы қабылдау орны болмағандықтан сотталушы Шымкент қалалық полиция департаментіне қарасты арнайы қабылдау орнына жатқызылған. Ол заңдағы сөз бостандығы, адам құқығы баптарға меңзеп, белсенділер мен өз құқығы туралы айтатын адамдардың қудаланып жатқанын айтады.

6 шілде Астана күні Алматы, Нұр-Сұлтан, Шымкент және Ақтөбеде полиция "рұқсат етілмеген митингіге шыққан" жүздеген адамды ұстады.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

ПІКІРЛЕР

XS
SM
MD
LG