Accessibility links

Алматыда "Халық құрылтайы" өтіп жатыр


"Халық құрылтай" жиыны. Алматы, 7 қыркүйек 2019 жыл.

Алматыда "Халық құрылтайы" өтіп жатыр. Оған шамамен 200 адам жиналған. Құрылтайда елдегі саяси өзгерістер, "Қытай экспансиясы" қаралмақ.

Азаттық оқиға орнынан тікелей эфирде хабар таратып жатыр:

Жиынға оппозициялық саясаткерлер Серікболсын Әбділдин, Балташ Тұрсымбаев, Рысбек Сәрсенбайұлы, Ермұрат Бапи және өзге де азаматтар қатысып жатыр. Президиум мүшесі ретінде соңғы аталған үш саясаткермен бірге белсенді Рысбек Тоқтасын сайланды.

Жиын басында модератор Балташ Тұрсымбаев Серікболсын Әбділдиннің денсаулығына байланысты жиыннан ертерек кететінін айтып, оған сөз берді. Әбділдин өз сөзінде қазіргі билік қателіктеріне тоқталып, ең үлкен қателік - "Назарбаевтың 30 жылға жуық уақыт бойы авторитарлық билігі" деді.

"Назарбаев биліктен кетпей Қазақстанда даму болмайды. Оның кетуін халық болып талап ету керек. Заң бойынша, оның билікте отыруы - олқылық. Елде "Елбасы" туралы заң бар. Оған екі палата, премьер-министр қол қойған. Конституция бойынша, олардың заң қабылдауға құқығы жоқ. Ең бір оңтайлы жол - 1993 жылы қабылданған алғашқы Конституцияға оралу" деді Әбділдин. "Әрдайым жолдарың болсын!" деп саясаткер батамен сөзін аяқтаған кезде жұрт қол шапалақтап, тік тұрып залдан шығарып салды.

  • 16x9 Image

    Манас ҚАЙЫРТАЙҰЛЫ

    1994 жылы 20 мамырда дүниеге келген. Әл-Фараби атындағы қазақ ұлттық университетінде филология мамандығы бойынша бакалаврды, Абай атындағы қазақ ұлттық педагогикалық университетінде магистратураны тәмамдаған. 

    "Дарабоз" журналында (2012-2014), "31 арнаның" жаңалықтар қызметінде (2015-2018) жұмыс істеген.

    Автормен оның Facebook парақшасында да пікірлесуге болады.

ПІКІРЛЕР

XS
SM
MD
LG