Accessibility links

Нұр-Сұлтан мен Алматыда митингі орнында полиция оннан астам адамды ұстады


Полицияның адамдарды ұстауы. Алматы, 26 қазан 2019 жыл.

26 қазанда түстен кейін Нұр-Сұлтанда "Астана" концерт залының маңында полиция он шақты адамды ұстап әкетті. Мұнда "оппозициялық қозғалыстың митингісі өтеді" деп бұған дейін хабарланған. Арнайы жасақ өкілдерінің бірнеше адамды ұстағанына Азаттық тілшісі де куә болды. Олардың кейбірі жәй жүргенін айтып, полицияның ұстауына наразы болды. Ұсталғандардың кейбірі "Қытайға жол жоқ" деп айғайлады. Бірнеше адам құжаттарын тексерген полиция әрекетіне ашуланды.

Азаттықтың тікелей эфирін көріңіз:

Ұстауға байланысты түсініктеме берген Нұр-Сұлтан қалалық полиция департаменті бастығының бірінші орынбасары Бақытжан Малыбаев "Әблязов ұйымдастырған митингіге" байланысты азаматтарға ескерту жасалғанын, "полицейге қарсылық көрсеткендердің" ұсталғанын айтты.

Алматыда да полиция Төле би мен Панфилов көшесінің қиылысында оннан астам адамды ұстаған. Олардың кейбірі Қытай зауыттарының салынуына қарсылық білдіріп, талабын айта бастаған. Бірақ полиция оларға пікірін аяқтатпады. Арнайы жасақ "жәй жүрмін" деген адамдарды да ұстады. Әкімдік қызметкерлері "митингі орнында" жүргендерге тарау қажеттігін айтып ескертті.

Азаттықтың Шымкенттегі тілшісінің хабарлауынша, мұнда да "Наурыз" алаңында полиция үш адамды ұстап алып кеткен. Олардың бірі "Қытай экспансиясына" қарсы екенін білдіріп, алаңға сол пікірін айту үшін келгенін айтқан. Оқиғаны түсіру барысында қара түсті қолшатыр ұстаған екі адам ұстауларды камераға түсірген Азаттық тілшісінің жұмысына кедергі келтірді.

Бұған дейін өзін билік оппоненті ретінде атайтын, шетелде жүрген қуғындағы бұрынғы банкир Мұхтар Әблязов 26 қазанда жақтастарын көшеге шығуға шақырған. Қазақстанның бас прокуратурасы "рұқсат етілмеген митингіге қатысу заңсыз" екенін ескертіп, митингіге шыққан азаматтардың " қатаң жазаланатынын" хабарлады.

  • 16x9 Image

    Әсемгүл МҰХИТҚЫЗЫ

    2004 жылы Павлодар мемлекеттік университетін журналистика мамандығы бойынша тәмамдаған. "КТК-7"  телеарнасында тілші  (2003-2005), "Қазақстан-Павлодар" облыстық телеарнасында редактор, шеф-редактор (2005-2013), "Астана" телеарнасы Павлодар облысындағы меншікті тілшісі (2013-2019) болып жұмыс істеген. 2019 жылдан бері Азаттықтың Нұр-Сұлтан қаласындағы тілшісі.  

  • 16x9 Image

    Манас ҚАЙЫРТАЙҰЛЫ

    1994 жылы 20 мамырда дүниеге келген. Әл-Фараби атындағы қазақ ұлттық университетінде филология мамандығы бойынша бакалаврды, Абай атындағы қазақ ұлттық педагогикалық университетінде магистратураны тәмамдаған. 

    "Дарабоз" журналында (2012-2014), "31 арнаның" жаңалықтар қызметінде (2015-2018) жұмыс істеген.

    Автормен оның Facebook парақшасында да пікірлесуге болады.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

ПІКІРЛЕР

XS
SM
MD
LG