20 қарашада кешкі 21.00 шамасында Шығыс Қазақстан облысы Аягөз қаласында тұрғын үйлердің бірінде газ баллоны жарылып, үйдің қабырғасы құлаған. Бұл ақпаратты Шығыс Қазақстан облыстық төтенше жағдай департаменті хабарлады.
Ауруханаға денесі күйген жеті адам жеткізілген, олардың төртеуі - бала. Полиция жарылыстың себебін анықтап жатыр.
Төтенше жағдай комитетінің төрағасы Владимир Беккерге сілтеме жасаған жергілікті БАҚ жарылыс "газ баллонындағы ақаудан болды" деп жазды.
20 қарашада Қызылорда қаласында да осыған ұқсас жағдай болып, ерлі-зайыпты екі адам зардап шеккен.
ПІКІРЛЕР