Accessibility links

Делидегі өрттен 43 адам қаза тапты


Өрт болған аймақ. Дели, 8 желтоқсан 2019 жыл.

8 желтоқсанда Үндістанның Дели қаласындағы фабрикада өрт шығып, кем дегенде 43 адам қаза тапты. Бұл туралы Үндістан билігіне сілтеме жасаған халықаралық ақпарат агенттіктері хабарлады.

Өрт таң ата Делидің орталығында шыққан. Куәгерлердің сөзінше, өрт болғанда көпқабатты ғимаратта ондаған жұмысшы ұйықтап жатқан. Ел билігі құрбандар саны өсуі мүмкін деп қауіптенеді.

Алты қабатты фабрика халық тығыз қоныстанған ауданда орналасқан. Бұл маңда “Садар-Базар” атты ең ірі сауда базары орналасқан. Тар көшелер өрт сөндірушілердің жұмысына біраз кедергі келтірген.

Жергілікті биліктің хабарлауынша, 56 адам ауруханаға жеткізілген. Олардың көбі түтінге уланып қалған.

Reuters ақпарат агенттігінің дерегінше, өрт болған фабрикада сөмке жасаған. Қоймасында сөмке жасауға арналған шикізаттар көп болған.

Үндістан билігі өрттің себебін анықтап жатқанын хабарлады.

ПІКІРЛЕР

AzattyqTV

"Халыққа 42 500 теңгеден гөрі вирус қауіпті екенін түсіндіру керек"
please wait

No media source currently available

0:00 0:05:07 0:00
XS
SM
MD
LG