Accessibility links

Арыста "қыз алып қашпақ" болғандардың үстінен қылмыстық іс қозғалды


Көрнекі сурет.

Түркістан облысы Арыс қаласында «қыз алып қашпақ болған» тұрғындардың үстінен «Адам ұрлау» бабы бойынша қылмыстық іс қозғалды. Бұл туралы Азаттыққа облыстық полиция департаментінің баспасөз хатшысы Салтанат Қаракөзова айтты.

Қаракөзованың сөзінше, оқиға 23 желтоқсанда Арыс қаласындағы мейрамханалардың бірінде болған. Күдікті қызды үйлену үшін алып қашқан. Полицияға қыздың шешесі арызданған. Жәбірленуші де, күдікті де – Арыс қаласының тұрғыны.

Оқиға жайлы видео 23 желтоқсанда Instagram желісінде тараған. Департаменттің хабарлауынша, қазір осы оқиға бойынша тергеу жүріп жатыр.

Қазақстан қоғамында «Қыз алып қашуды» салт ретінде қарайтындар және оны қылмыс деп санайтындар да бар. Қазақстанда «қыз алып қашу» оқиғаларының жеке есебі жүргізілмейді. Күдіктілерге Қылмыстық кодекстің «адам ұрлау» бабымен іс қозғалады.

Құқық қорғаушылар билікті «қыз алып қашуды» жою үшін оның есебін жүргізіп, Қылмыстық кодекстен жеке бап арнауға шақырған.

Қыз алып қашу: қылмыс әлде дәстүр?

Қыз алып қашу: қылмыс әлде дәстүр?
please wait

No media source currently available

0:00 0:03:15 0:00

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

ПІКІРЛЕР

XS
SM
MD
LG