Accessibility links

Ақтөбеде із-түзсіз жоғалған оқушының денесі табылды


Ақтөбе облысының картасы.

Ақтөбе облысында із-түзсіз жоғалған мектеп оқушысының денесі ауылдан төрт шақырым жерден табылды. Бұл туралы Азаттыққа Ақтөбе облыстық полиция департаментінің баспасөз қызметі хабарлады.

Полицияның мәліметінше, кәмелет жасқа толмаған Анатолий Лебедевті іздеушілер оның денесін 3 қаңтар күні тапқан.

"Мәйітте зорлық-зомбылық белгілері жоқ. Алдын-ала сараптама қортындысына қарағанда, оқушы үсіп өлген" деп хабарлайды полицияның баспасөз қызметі.

2020 жылғы 1 қаңтар күні таңғы 4:30 шамасында танысының үйінен шығып кеткен оқушы сол күйі үйіне оралмаған.

- Сол күні ауылда бет қаратпас боран болды. Үйден шыға алмай отырдық. Анатолий боранмен бірге ығып кетсе керек. Қарапайым отбасынан шыққан, тәртіпті бала еді. Сүйегін әлі сараптамадан әкелген жоқ, - дейді Қарақұдық мектебінің мұғалімі Ботагөз Сармурзина.

Алға ауданы Қарақұдық ауылындағы мектептің 11 сынып оқушысы Анатолий Лебедевті жақындары, ауылдастары, полиция мен еріктілер – жалпы саны 50-ден астам адам екі тәулік бойы іздеген. Полицияның баспасөз қызметі бұл дерек бойынша қылмыстық іс қозғалып, тағы бірнеше сараптама тағайындалғанын айтады.

  • 16x9 Image

    Жаңагүл ЖҮРСІН

    Жаңагүл Жүрсін - Азаттықтың Ақтөбе облысындағы тілшісі. 1975 жылы 16 желтоқсанда дүниеге келген. 1996 жылы Қ.Жұбанов атындағы Ақтөбе университетін бітірген. Еңбек жолын Ақтөбе облыстық телевидениесінен бастап, әр жылдары осы өңірдегі түрлі БАҚ-та тілші, редактор, бас редактор қызметін атқарған. Азаттықпен 2011 жылдан бері әріптес.

ПІКІРЛЕР

AzattyqTV

"Маскасыз қоғамдық орында шулап, басқа адамдарға қауіп төндірмеңіз"
please wait

No media source currently available

0:00 0:05:25 0:00
XS
SM
MD
LG