Сайт бұғатталып тұрса да, материалды осы сілтемемен кіріп оқуға болады
Дәрігерлер тұрғындардың бірін ауруханаға әкеле жатыр. Ухань, 26 қаңтар 2020 жыл.
АҚШ-тың денсаулық сақтау саласы мамандары қауіпті вируспен күресіп жатқан Пекинді ашықтыққа және әріптестікке шақырды. Қытайда коронавирус жылдам тарап барады. Соңғы дерек бойынша, коронавирустан көз жұмғандар саны 132-ге жетті, оны жұқтырғандар саны 6000-ға жуықтады.
28 қаңтарда АҚШ денсаулық сақтау министрі Алекс Азар Вашингтонның Пекинге көмек ұсынғанын хабарлады.
"Біз Қытайды әріптестікке және ашықтыққа шақырамыз, вируспен тиімді күресу үшін ең қажеттісі осы" деді Азар.
Дүниежүзілік денсаулық сақтау ұйымының (ДДСҰ) дерегінше, Қытайдан бөлек ондаған мемлекетте 45 вирусты жұқтыру оқиғасы тіркелген. Қытайдан басқа мемлекетте адам өлімі тіркелмеген.
Шетелде негізінен Қытай туристері немесе жақын арада Ухань қаласында болған адамдардан вирус табылған.
Азардың айтуынша, "вирус жұқтырып, бірақ жазылған" адамдардың өздерінен вирус тарауы мүмкін, Қытайда бұл дәлелденген. Оның айтуынша, АҚШ-та бес адамнан вирус табылған. АҚШ-тың ауруды бақылау орталығының жетекшісі Роберт Редфилд "АҚШ-та вирус тарап жатқан жоқ" деді.
Коронавирусты жұқтырған адамдар Германия, Шри-Ланка,Малайзия, Оңтүстік Корея, Тайвань, Таиланд, Канада, Непал, Вьетнам, Сауд Арабиясы, Сингапур, Жапония, АҚШ, Франция, Австралияда кезіккен.
Ухань. Қытай билігі вируспен күресіп жатыр
1/12Комбинезон киіп, маска таққан адамдар Пекин метросындағы жолаушыларды тексеріп жатыр. Пекин, 24 қаңтар 2020 жыл.
Вирус ошағы Қытайдың орталық бөлігінде орналасқан 11 миллион тұрғыны бар Ухань қаласы деп айтылады.
Сайт бұғатталып тұрса да, материалды осы сілтемемен кіріп оқуға болады
11/12Медициналық маска шығаратын зауыт жұмысшылары. Қытайда вирус тарағаннан кейін маскаға сұраныс күрт артқан. Ханьдань, Хэбэй провинциясы. 23 қаңтар 2020 жыл.
Вирус ошағы Қытайдың орталық бөлігінде орналасқан 11 миллион тұрғыны бар Ухань қаласы деп айтылады.
