Accessibility links

Баку: Полиция наразылық кезінде 20-дан астам оппозиция белсендісін ұстады


Бакудегі наразылық.

11 ақпанда Әзербайжан полициясы кезектен тыс парламент сайлауының қорытындысына наразылық танытқан 20-дан астам оппозиция белсендісін ұстады. Халықаралық бақылаушылар дауыс санау кезінде заңбұзушылықтар болғанын мәлімдеді.

Наразылар Әзербайжанның орталық сайлау комиссиясы ғимаратының маңындағы тротуарда отырып, наразылық жасады. Арнайы жасақ сарбаздары белсенділерді ұстап, автобусқа отырғызып алып кетті.

Ішкі істер министрлігінің өкілі Эхсан Захидов акцияның заңсыз болғанын және наразылардың ереже сақтамағанын айтты.

Әзербайжан орталық сайлау комиссиясының дерегінше, парламенттегі 125 орынның 70-ін "Жаңа Әзербайжан" партиясы иеленген. Қалған орынды президент Ильхам Әлиевті жақтайтын кішігірім партиялар иеленді.

Оппозиция белсенділерінің айтуынша, сайлау кезінде бюллетеньдерді топтап салу, карусель әдіспен дауыс беру сияқты көптеген заңбұзушылықтар болған.

Орталық сайлау комиссиясының дерегінше, 5,3 миллион азамат дауыс беру құқығына ие болған.

Оқи отырыңыз: Президент Әлиевтің партиясы парламент сайлауында жеңді

ПІКІРЛЕР

AzattyqTV

"Халыққа 42 500 теңгеден гөрі вирус қауіпті екенін түсіндіру керек"
please wait

No media source currently available

0:00 0:05:07 0:00
XS
SM
MD
LG