Accessibility links

Полиция наразылық акциясына шыққандарды Ақордаға жібермей тұр


Наразылыққа шыққандарды полиция "Ақордаға" жеткібей бөгеп тұр. 17 ақпан 2020 жыл. Нұр-Сұлтан қаласы.

Қазақстан президентінің резиденциясы "Ақордаға" беттеген 60-қа жуық наразы адамды полиция бөгеді. Наразылық акциясына шыққандар Қазақстан қауіпсіздік кеңесінің төрағасы Нұрсұлтан Назарбаевпен, парламент сенатының спикері Дариға Назарбаевамен, Қазақстан президенті әкімшілігінің жетекшісі Ерлан Қошановпен кездестіруді талап етіп тұр.

Наразылық акциясына шыққан адамдар арасында пәтер алу үшін алдын ала үлес ақша салып, қайта ала алмаған үлескерлер мен көп жылдан бері кредитн өтей алмай жүрген борышкерлер және сот шешіміне наразы әртүрлі топтар бар. Олар бұрын жеке наразылық білдіріп жүргенін, осы жолы наразылыққа бірге шыққанын айтады. "Талабымыз әртүрлі болғанымен, төменгі биліктен әділдік таппай жүрген мүддеміз бір" дейді.

Мүгедек бала бағып отырған әйелдер атынан келген белсенді тұрғын үйді сатып алу құқығымен жалға беруді сұрайды. Сот шешіміне наразылардыың ішінде Қазақстанның бірнеше өңірінен келгендер бар. Олар бастарына түскен әділетсіздікке Қазақстан президенті Қасым-Жомарт Тоқаев қана ара түсе алады деп санайды. Бірақ Тоқаевтың шетелде жүруіне байланысты Нұрсұлтан Назарбаевпен, Дариға Назарбаевамен және Қазақстан президенті әкімшілігінің жетекшісі Ерлан Қошановпен кездескілері келеді.

Сағат 10:30-дан бастап жиналған наразылар алдына полиция қызметкерлі шығып, Ақордаға жеткізбей жолды бөгеді. Нұр-Сұлтан қаласы полиция департаменті басшысының бірінші орынбасары Бақытжан Майлыбаев наразылардың Ақордаға хат тапсыруына рұқсат бермеді.


  • 16x9 Image

    Сәния ТОЙКЕН

    Сәния Тойкен Азаттық радиосында 2007 жылдан бері жұмыс істейді. ҚазҰУ-дің журналистика факультетін бітірген. Республикалық  "Қазақстан пионері", "Жас Алаш" газеттерінде тілші болған. Қазақстан Республикасы Жекешелендіру жөніндегі комитетінің баспасөз хатшысы қызметін атқарған. Атырау облыстық "Ақ Жайық" газетінде  тілші, қазақ редакциясының редакторы, Маңғыстау облысында шығатын "Не хабар?!" апталығының редакторы болып жұмыс істеген. 

ПІКІРЛЕР

AzattyqTV

Карантин көп балалы шаңыраққа қалай әсер етті?
please wait

No media source currently available

0:00 0:02:53 0:00
XS
SM
MD
LG