Accessibility links

Коронавирус табылған лайнерде Қазақстанның төрт азаматы: 8 және 12 жастағы немерелерімен екі әйел отыр


Жапония жағалауында карантинде тұрған лайнер. 11 ақпан 2020 жыл.

Коронавирус табылып, Жапония жағалауында карантинге тұрып қалған кемеде Қазақстанның төрт азаматы: 8 және 12 жастағы немерелерімен 2 әйел отыр. Бұл ақпаратты Азаттық тілшісіне сыртқы істер министрлігінің баспасөз хатшысы Айбек Смадияров айтты.

Айбек Смадияровтың сөзінше, "олармен Қазақстанның Жапониядағы консулдығы күн сайын сөйлесіп отыр, денсаулықтары жақсы, шағымдары жоқ".

- Кеше консулмен хабарластым. Қазақстанның 4 азаматы анализ тапсырған. 19 ақпанда карантин бітеді. Кемедегі 3 мыңнан астам жолаушыны карантиннен босату процесі бірер күнге созылуы мүмкін. Кемеден түскен соң тағы бір рет тексеріледі,- деді ол.

Кеше Қазақстан денсаулық сақтау министрлігінің бас инфекционисі Динагүл Баешева Жапония жағалауында тұрған Diamond Princess лайнерінде Қазақстанның 4 азаматы барын, олармен WhatsApp арқылы ұдайы хабарласып отырғандарын, араларында балалар жоқ екенін" айтқан.

Айбек Смадияров Динагүл Баешева таратқан ақпаратты "ескірген мәлімет" деп санайды.

Жапония жағалауында тұрған Diamond Princess лайнерінде 5 ақпанда бір адамнан коронавирус табылып, карантинге жабылған. Кеме ішінде 50 елден 3700 адам болған. 17 ақпандағы дерек бойынша, круизде 454 адам коронавирус жұқтырған.

16 ақпандағы мәліметке қарағанда, қазір әлемде коронавирус жұқтырғандар 72 мыңнан, қаза болғандар 1868-ден асқан. Олардың көбі Қытайда. Қытай билігінің дерегінше 12 мың адам коронавирустен айыққан. Орталық Азия елдерінде коронавирус жұқтырғандар жоқ.


  • 16x9 Image

    Өркен ЖОЯМЕРГЕН

    Өркен Жоямерген 2006 жылы әл-Фараби атындағы Қазақ ұлттық университеті журналистика факультетінің бакалаврын, 2008 жылы магистратурасын тәмамдаған. Қызмет жолын "Алматы Ақшамы" газетінен бастаған. Алматы және Астана қалаларындағы бірқатар бұқаралық ақпарат құралдарында жұмыс істеген. Қазір Азаттық Радиосы Астана бюросының жетекшісі. 

    Автормен оның Facebook парақшасында да пікірлесуіңізге болады.

ПІКІРЛЕР

AzattyqTV

"Халыққа 42 500 теңгеден гөрі вирус қауіпті екенін түсіндіру керек"
please wait

No media source currently available

0:00 0:05:07 0:00
XS
SM
MD
LG