Accessibility links

Қытайда вирусты жұқтырғандар саны азайғанмен көз жұмғандар саны кеміген жоқ


Көрнекі сурет.

Қытай коронавирус инфекциясын жұқтырғандар саны күрт азайғанын мәлімдеді. Эпидемияның беті қайтты деп айтуға мүмкіндік туғанмен көз жұмғандар саны азаймай отыр.

Қытайдың денсаулық сақтау жөніндегі ұлттық комиссиясы 20 ақпанда вирус ошағы саналатын Хубэй провинциясында 628 адамнан вирус табылғанын, Қытайдың өзге аудандарында 45 оқиға тіркелгенін хабарлады. Вирусты жұқтыру қарқынының бәсеңдегеніне үш күн болды. Жалпы елде желтоқсан айынан бері 74 мыңнан астам адамнан вирус табылған

Қытай билігінің айтуынша, соңғы тәулікте 114 адам көз жұмған. Елде вирустан қайтыс болғандар саны 2118-ге жетті.

Иран вирус жұққан екі адамның көз жұмғанын хабарлады. Бұл Таяу Шығыс аймағында тіркелген алғашқы өлім.

Жапонияда вирус табылған Diamond Princess кемесіндегі бір әйел мен ер адам қайтыс болды.

Дүниежүзілік денсаулық сақтау ұйымының төтенше жағдайда тәуекелді басқару департаментінің директоры Ричард Бреннонның айтуынша, Қытай вируспен күрес бойынша "қысқа уақыт аралығында зор нәтижеге қол жеткізді", алайда дағдарыс бітті деп айтуға әлі ерте.

Қытай билігі бұған дейін 60 млн-нан астам халық тұратын бірнеше ірі қаласын жауып, қалаларға қатынайтын көлік қозғалысын тоқтатқан. Кейбір мемлекеттер Қытайдан келетін азаматтардың елге кіруіне тыйым салды. Пекин бұл шараларды сынады.

ПІКІРЛЕР

AzattyqTV

"Халыққа 42 500 теңгеден гөрі вирус қауіпті екенін түсіндіру керек"
please wait

No media source currently available

0:00 0:05:07 0:00
XS
SM
MD
LG