Accessibility links

Тәжікстан коронавирус жұқтырғандар көбейген Иранмен әуе қатынасын тоқтатты


Тәжікстан әуе компаниясының ұшағы. Көрнекі сурет.
Тәжікстан әуе компаниясының ұшағы. Көрнекі сурет.

Тегеран коронавирустан өлгендер көбейгенін хабарлаған соң Тәжікстан Иранмен әуе қатынасын тоқтатты.

Тәжікстан азаматтық авиациясы агенттігі директорының бірінші орынбасары Әзиз Нәбизоданың айтуынша, Иранмен әуе қатынасы 24 ақпаннан бастап тоқтаған. Бұл жөнінде Иранның Varesh Airlines әуе компаниясы мен Тәжікстанның Tajik Air және Somoni Air әуе компанияларына ескертілген.

Иранның жартылай мемлекеттік ILNA жаңалықтар агенттігі 24 ақпанда Құм қаласында коронавирустан 50 адам өлгенін хабарлап, бұл ақпаратты Иран денсаулық сақтау министрінің орынбасары Ирадж Харирчи теріске шығарған еді. Харирчи баспасөз жиынында 61 адам коронавирус жұқтырғанын, оның 12-сі қайтыс болғанын хабарлады.


ПІКІРЛЕР

XS
SM
MD
LG