Accessibility links

Иранда вице-министр мен депутат коронавирус жұққанын мәлімдеді


Иранның денсаулық сақтау вице-министрі Ирадж Харирчи (оң жақта) және депутат Махмуд Садехи.

Иранның денсаулық сақтау вице-министрі мен депутаттан коронавирус табылды. 25 ақпанда екеуі жеке мәлімдеме жасады.

Денсаулық сақтау вице-министрі Ирадж Харирчи Тегерандағы видеоконференция кезінде жөтеліп, бетін сүртті.

"Түнде дене қызуым көтеріліп, түн жарымында жүргізілген сынақтың алдын ала қорытындысы вирус жұққанын растады. Мені көпшіліктен алшақтатты. Бірнеше минут бұрын сынақтың түпкілікті қорытындысы шықты. Дәрі қабылдай бастадым" деді ол.

Депутат Махмуд Садехи Twitter аккаунтында "Коронавирус бойынша тапсырған сынақ вирус барын көрсетті...Әрі қарай өмір сүрем деп айта алмаймын" деп жазды. Ол сонымен бірге Иран билігін түрмеден саяси тұтқындарды босатуға шақырып, вирус тарап жатқан шақта олардың отбасымен бірге болуы қажет екенін айтты.

Өткен жылы Садехи үкіметті эпидемияға қажетті дәрежеде назар аударып отырған жоқ деп сынаған. Ол билікті ақиқатты жасырмай айтып, қоғам сеніміне қол жеткізуге шақырған.

Ресми дерек бойынша, Иранда коронавирустан 16 адам көз жұмған, 95 адамнан вирус табылған. Көптеген адамдар Тегеран статистиканы төмендетіп көрсетіп отыр деп санайды.

Денсаулық сақтау саласы сарапшылары Иран, Италия және Оңтүстік Кореяда вирусты жұқтырғандар мен көз жұмғандар санының күрт артуына алаңдап отыр. Жалпы әлем бойынша вирусты жұқтырғандар саны 80 мыңнан асты, шамамен 2700 адам қайтыс болған, олардың басым бөлігі Қытайда тіркелген.

Оқи отырыңыз: Covid-19 әлемді әуреге салды. Италия, Иран, Кореядағы жағдай ушығып барады

ПІКІРЛЕР

AzattyqTV

"Халыққа 42 500 теңгеден гөрі вирус қауіпті екенін түсіндіру керек"
please wait

No media source currently available

0:00 0:05:07 0:00
XS
SM
MD
LG