Accessibility links

Нұр-Сұлтанда мүгедектер тегін жолдама алудың қиындығын айтты


Санаторийге тегін жолдама алу үшін тіркелуге келген мүмкіндігі шектеулі азаматтар. Нұр-Сұлтан, 2 наурыз 2020 жыл.

Нұр - Сұлтан қалалық әкімдігінің жұмыспен қамту және әлеуметтік қолдау басқармасына 2 наурызда таңғы сегізден жиналған мүмкіндігі шектеулі адамдар санаторийге тегін жолдама жетпейтініне наразы.

Жолдама алғысы келетіндердің айтуынша, әкімдік оларға қаңтар айында электронды мәліметі бар флэшка берген. Олар осы флешкамен өз бетінше 2 наурызда тіркелуі керек болғанымен, электронды жүйе белгісіз себептермен істемей қалғанын айтады. Сол себепті тіркелу үшін әкімдікке таңнан бастап келген.

Наразылық білдірген мүмкіндігі шектеулі адамдарға полиция қызметкерлері келді.

"35 жыл педагог болдым" деген Шәйза Мұхамбетжанова әкімдік "жұмысты дұрыс ұйымдастырмады" деп санайды.

Мүмкіндігі шектеулі адамдар диагнозы мен дерт түріне қарамастан бәріне бір ғана санаторий - Көкшетаудағы "Қатаркөл" оңалту орталығына жолдама беретіне налиды. Оның да жетпейтінін және қалауларынша емес, күн райы салқын кезде жіберетінін айтады.

- Үш жылдан бері ала алмай жүрмін. Қаңтарда келгенімде наурызда кел деді, енді келсем "жолдама сәуірге бар, мамыр мен маусымға орын жоқ" көрінеді, – дейді Алмаш Жұматаева.

І топтағы мүмкіндігі шектеулі адам Серкешбай Ғаппаров жолдаманы үнемі наурызда беретінін айтады. Ол бұл жолы алдында жүз шақты адам кезекте тұрғандықтан жолдама ала алатынына сенбейді.

Нұр - Сұлтан қалалық әкімдігінің жұмыспен қамту басқармасы бастығының орынбасары Илья Скуб мүмкіндігі шектеулі адамдардың наразылығы жайлы Азаттық тілшісінің сауалына жауап беруден бас тартты.

Нұр - Сұлтан қаласында мүмкіндігі шектеулі адамдар 25 мыңнан асады, оның 5 мыңы балалар. Оларға заң бойынша, әлеуметтік жәрдемақымен қатар, емдеу-сауықтыру орталықтарына тегін жолдама берілуі тиіс.


  • 16x9 Image

    Сәния ТОЙКЕН

    Сәния Тойкен Азаттық радиосында 2007 жылдан бері жұмыс істейді. ҚазҰУ-дің журналистика факультетін бітірген. Республикалық  "Қазақстан пионері", "Жас Алаш" газеттерінде тілші болған. Қазақстан Республикасы Жекешелендіру жөніндегі комитетінің баспасөз хатшысы қызметін атқарған. Атырау облыстық "Ақ Жайық" газетінде  тілші, қазақ редакциясының редакторы, Маңғыстау облысында шығатын "Не хабар?!" апталығының редакторы болып жұмыс істеген. 

ПІКІРЛЕР

AzattyqTV

"Халыққа 42 500 теңгеден гөрі вирус қауіпті екенін түсіндіру керек"
please wait

No media source currently available

0:00 0:05:07 0:00
XS
SM
MD
LG