7 наурызда Қытайдың Цюаньчжоу қаласындағы бес қабатты қонақүй қирап, ондаған адам үйінді астында қалды. Бұл отельде Covid-19 вирусын жұқтырған адамдардың жанында болғандар карантинде жатқан.
Қытай мемлекеттік ақпарат құралдары апаттан төрт адам қаза болғанын, үйінді астында қалған 70 адамның 38-і құтқарылғанын 29 адам әлі табылмағанын хабарлады. Интернетте тараған видеода құтқарушылардың үйінді астынан адамдарды іздеп жатқаны көрінеді. Қонақүйдің қирауына не себеп болғаны белгісіз.
80 бөлмесі бар қонақүй 2018 жылы ашылғаны хабарланды.
6 наурыздағы дерек бойынша, Цюаньчжоу қаласы орналасқан Фуцзянь провинциясында 296 адам вирус жұқтырған. 10819 адам карантинде жатыр.
7 наурыздағы дерек бойынша, әлемде 102 мыңнан астам адамнан Covid-19 вирусы табылған. 3400 астам адам көз жұмса, 57 мың адам дерттен айыққан.
ПІКІРЛЕР