Өзбекстанда карантин жарияланғанына қарамастан 27 наурызда Ташкенттегі көп қабатты үйлердің бірінде тұрғындар той жасауға тырысқан. Көршілері полицияға хабарласқаннан кейін кейінге шегерілген. Полиция той иелерімен әңгіме өткізіп, кейіннен 1 млн сом (100 доллар) көлемінде айыппұл салған.
Өзбекстанда коронавирусқа байланысты 16 наурызда карантин жарияланған. 27 наурыздан бері тұрғындардың үйден шығуына тыйым салынды. Тұрғындар дәрі-дәрмек немесе азық-түлік сатып алу үшін ғана көшеге шыға алады.
28 наурыз күнгі дерек бойынша, елде 104 адамнан вирус табылған.
Сенбі, 27 наурызда коронавирустан екінші адам қайтыс болды. 39 жастағы дәрігерге вирус Франциядан келген науқастан жұққан. Ер адам дәрігерлерге бармай, өзін емдеуге тырысқан.
Бір күн бұрын 72 жастағы Наманган тұрғыны қайтыс болған еді. Созылмалы аурумен ауырған әйелге Түркиядан оралған қызынан коронавирус жұққан.
Қарай отырыңыз: Коронавирус деген не? Бүлдіршіндерге түсіндіреміз.
ПІКІРЛЕР