Accessibility links

Оралда белсенді Аслан Сагутдинов ұсталды


Аслан Сагутдинов.
Аслан Сагутдинов.

7 сәуірде кешке Оралда штаттық киім киген адамдар белсенді Аслан Сагутдиновты ұстап, полиция бөлімшесіне апарды. Блогердің айтуынша, дүкенге бару үшін шыққан кезде оны ұстаған. Белсенді Facebook-та полицейлердің ұстау сәтінен видео жариялады.

Кадрда оның нөмірі жоқ "Нива" көлігінің жанында тұрғаны, штаттық киімдегі екі адамның қасында тұрғаны көрінеді. Белсендінің айтуынша, полицейлер аты-жөндерін айтпаған.

"Білмеймін, маған ештеңені түсіндірмейді. Мүмкін, карантин ережелерін бұзған шығармын? Мүмкін, мені қазір алып кететін шығар" дейді видеода сөйлеген Аслан Сагутдинов.

Батыс Қазақстан облыстық полиция департаменті Сагутдиновтің полиция бөлімшесіне әкелінгенін растады. Департамент өкілдерінің айтуынша, "Ұсақ бұзақылық" бабы бойынша (434-бап) қозғалған әкімшілік іс бойынша блогерді әкелген.

"Дана Дүйсекенованың (жергілікті "Пульс города" аймақтық басылымының қызметкері, бұрын блогер Айболат Бөкеновті сотқа берген, кейінірек Аслан Сагутдиновті "ар-намысын қорлағаны үшін" сотқа берген, қазір қылмыстық іс қозғалған) шағымы бойынша қозғалған іс бойынша Сагутдинов бөлімшеге жеткізілді. Істің мерзімі аяқталып келеді, сондықтан оны әкелу қажет болды" деді облыстық полиция департаментінің баспасөз хатшысы Болатбек Белгібеков.

Оның айтуынша, бұған дейін белсенді бұл өндіріс бойынша бөлімшеге шақырылмаған және шақыру қағазы да берілмеген. Ал Қазақстан заңнамасына сәйкес, полицияға келуден бас тартқан жағдайда ғана азаматтарды күштеп әкелуге болады. Белгібеков полиция қызметкерінің талабына бағынбағаны үшін Сагутдиновтің үстінен әкімшілік іс қозғалады.

"Ол полиция қызметкерлерінің көлігінде отырған кезде көлік терезесін сындырды. 667-бап бойынша ("полиция қызметкерінің талабына бағынбау") хаттама толтырылады" деді Белгібеков.

Оқи отырыңыз: Жергілікті газет қызметкері оралдық белсендіні сотқа берді

Оралдық блогер және белсенді Аслан Сагутдинов былтыр мамырда қаладағы Абай алаңына бос плакат ұстап шыққан соң жұртқа танылған. Оны полиция ұстап, бөлімшеге жеткізіп, кейін босатқан. Ол туралы жергілікті және халықаралық БАҚ жазды.

ПІКІРЛЕР

XS
SM
MD
LG