Accessibility links

Түркістан әкімі Рашид Аюпов коронавирус жұқтырды


Kazakhstan - Rashid Ayupov, the mayor of Turkistan city, the capital city of Turkistan region
Kazakhstan - Rashid Ayupov, the mayor of Turkistan city, the capital city of Turkistan region

Түркістан қаласының әкімі Рашид Аюпов коронавирусты жұқтырғанын хабарлады.

“Осыдан бірнеше күн бұрын денсаулығым сыр беріп, дәрігерлер көмегіне жүгінген едім. Алдыңғы күні тапсырған ПТР анализі оң нәтиже көрсетіп, Covid-19 індетіне шалдыққанымды растап отыр” деп жазды Аюпов Facebook-те.

Әкім жұмыс бабымен адам көп жерлерде жүруге мәжбүр болғанын, ал вирустың кімнен жұққанын білмейтінін айтты.

“Осыған орай, үйде оқшаулануға мәжбүрмін. Жұмысты алшақтан қадағалап, пайдалы болуға тырысамын. Дегенмен, қала әкімдігі жұмысы уақытша орынбасарым Мұсаев Тәжібек Қалманұлына жүктелді” деді ол.

Қала басшысы әкімдік ғимараты залалсыздандыралытынын, қызметкерлер анализ тапсыратынын мәлімдеді.

39 жастағы Аюпов Түркістан әкімі болып 2019 жылдың шілдесінде тағайындалды.

ПІКІРЛЕР

XS
SM
MD
LG