3 ақпанда 67 жасына қарағанда Eurasian Resources Group (ERG) компаниясының негізгі акционерлерінің бірі, қазақстандық олигарх Алиджан Ибрагимов қайтыс болды. Бұл туралы компанияның ресми сайты хабарлады. Онда Ибрагимовтің қайда және неден қайтыс болғаны айтылмаған.
Қырғызстандық Kaktus.media сайты құпия дереккөзге сүйене отырып, Ибрагимовтің коронавирус инфекциясынан қайтыс болуы мүмкін екенін жазды.
"Ол Бельгияда қайтыс болды, бірақ оны туған жері Тоқмақта (Қырғызстанның Шу облысы - ред.) жерлейді. Ибрагимовтің Қазақстанда ауырғаны белгілі. Жағдайы нашарлағаннан кейін Бельгияға емделуге кеткен, артынша сонда қайтыс болған" деп жазды сайт.
Ибрагимов олигарх Александр Машкевич (20,7 пайызына ие) пен Патох Шадиев (18,6 пайыз) және Қазақстан үкіметімен (40 пайыз) бірге Eurasian Resources Group компаниясының 20,7 пайызына ие. 2019 жылы Forbes журналы Ибрагимовтің байлығын 2,3 млрд долларға (Машкевичтікі - 2,4 млрд доллар, Шодиевтікі - 2,1 млрд доллар) бағалаған.
Басылымның жазуынша, бизнесмен сонымен бірге құрамына Еуразия банкі, "Еуразия өнеркәсіп компаниясы" кіретін "Еуразия қаржылық компаниясы" акционерлік қоғамының 33 пайыз акциясына иелік етеді. 2020 жылы Ибрагимов Қазақстандағы ең бай 50 кәсіпкердің қатарына кірген.
ПІКІРЛЕР