Accessibility links

Ақтөбе қаласының әкімі жүргізушілерді ереуілді тоқтатуға көндірді


Ақтөбеде жалақыларын өсіруді талап етіп тұрған автобус жүргізушілері мен кондукторлары. 12 ақпан 2021 жыл.
Ақтөбеде жалақыларын өсіруді талап етіп тұрған автобус жүргізушілері мен кондукторлары. 12 ақпан 2021 жыл.

Жұма күні Ақтөбеде жалақыларын өсіруді талап етіп, таңғы сағат бестен бері ереуілдеткен "Жолаушылар автокөлік кәсіпорнының" жүзге жуық жұмысшысының наразылығы төрт жарым сағаттан кейін аяқталды. Осы аралықта жүргізушілер мен кондукторларға кәсіпорын басшылығы өкілдері, еңбек инспекциясы мамандары келіп, жұмысқа шығуға көндіруге тырысқан еді, бірақ нәтиже шықпаған.

Асхат Шахаров, Ақтөбе қаласының әкімі. Ақтөбе, 12 ақпан 2021 жыл.
Асхат Шахаров, Ақтөбе қаласының әкімі. Ақтөбе, 12 ақпан 2021 жыл.

Таңертеңгі сағат 9-дар шамасында келген Ақтөбе қаласының әкімі Асхат Шахаров "күні бойы осында боламын, әкімдікке бармаймын. Мәселемен танысып, шешемін" дегеннен кейін ғана жұмысшылар ереуілді тоқтатуға көнді. Бірақ әкім мәселені қалай шешетінін айтпады.

Жүргізушілер мен кондукторлар басшылыққа бірнеше талап қойып отыр: жалақыны өсіру, жоспарды көбейтпеу, зейнетақы мен медициналық сақтандыру жарнасын уақытында аудару. Азаннан қас қарайғанға дейін жұмыс істейтін кәсіпорын қызметкерлері өздерінің айына 32-70 мың теңге аралығында жалақы алатынын, қымбатшылық жағдайында бұл жетпейтінін айтып, шағымданған. Ал компания басшылығы маршруттардың көбі шығынды ақтамайтынын, мемлекеттен субсидия мен компенсация берілсе, жағдай дұрысталатынын айтқан.

Видео: Ақтөбеде автобус жүргізушілері жалақыны өсіруді талап етті (12 ақпан 2021 жыл).

Ақтөбеде автобус жүргізушілері жалақыны өсіруді талап етті
please wait

No media source currently available

0:00 0:01:30 0:00

Ереуілдің салдарынан жұма күні қала іші мен маңындағы мыңдаған жолаушы қатынассыз қалған. Кәсіпорын басшылығының мәліметінше, автопарк аптасына 1,5-2 млн жолаушыға қызмет көрсетеді.

ПІКІРЛЕР

XS
SM
MD
LG