Accessibility links

Түркия орман өртін сөндіруде Ресейден көмек сұрады


Түркиядағы орман өрті.
Түркиядағы орман өрті.

Түркия туристік аймақтар жанындағы орман өртін сөндіруде Ресейден көмек сұрады. Бұл туралы Ресей төтенше жағдай министрлігі хабарлады. Министрлік Анкара өтінішінің орындалатынын мәлімдеді.

Өрт күшейіп тұрған аймақтағы туристік орталықтарда Ресей азаматтарының көп екені айтылады.

Ресей Түркияға қорғаныс министрлігінің 11 әуе техникасын жіберетін болды.

Түркияның оңтүстігіндегі орман өрті екі аптаға ұласты. Өрттің қолдан жасалғаны айтылады. 31 шілде күні Түркия президенті Режеп Тайып Ердоған Мугла провинциясындағы орман өртін тұтатқан болуы мүмкін күдікті ұсталды деді.

"Миласта бір адам ұсталды. Егер бұл диверсия болса, кінәлілерді жазалау біздің міндетіміз болмақ" деді Ердоған кризис орталығында сөйлеген сөзінде.

Түрік билігінің мәліметінше, өрт елдің оңтүстігіндегі алты аймақты қамтыған. Оның ішінде туристік курорттарымен танымал Бодрум мен Мармарис те бар.

Осы арада Ресейдің өзінде, Якутияда орманның өртеніп жатқанына бір айдан асты. Өрт орманның 1,5 миллион гектарын жойып үлгерді. Ресей төтенше жағдайлар министрлігі әскери авиацияның өрт аймағына бір күнде 60 тонна су төккенін хабарлады.

ПІКІРЛЕР

XS
SM
MD
LG