Қырғызстанның Орталық сайлау комиссиясы 31 тамызда Жогорку Кеңешке сайлауға қатысу үшін төрт партиядан өтініш түскенін мәлімдеді.
Олар – "Альянс", "Қырғызстанның жасылдар партиясы", "Жаратман Эл" және "Қырғызстанның біртұтас патриоттар партиясы".
30 тамызда "Социал-демократтар", "Улуттар Биримдиги" және "Ишеним" партиялары өтініш түсірген. Барлығы 7 партия болған.
Қырғыз президенті Садыр Жапаров Жогорку Кеңешке сайлауды 28 қарашада өткізу жөнінде жарлыққа қол қойған. Орталық сайлау комиссиясына өтініш берудің соңғы күні – 3 қыркүйек.
Жаңа парламент 90 депутаттан тұрады. 54 мандат пропорционалды жүйе (саяси партиялар арқылы) бойынша, ал 36 депутат бір мандатты сайлау округтері арқылы, яғни мажоритарлы жүйе бойынша сайланады.
Қырғызстанда парламент сайлауы 2020 жылы қазан айында өткен. Бірақ сайлау нәтижесіне наразы адамдар көшеге шығып, арты толқуға ұласты да, санаулы күннен кейін ел президенті Сооронбай Жээнбековтың отставкаға кетті. Көп ұзамай парламент сайлауының нәтижесі жарамсыз деп танылды.
ПІКІРЛЕР