Ресейдің Кемерово облысы Белов қаласындағы көмір шахтасында жарылыс болып, соңы өртке ұласқан оқиғадан 11 адам қаза болды, 43 кенші зардап шекті. Бұл жөнінде Кемерово облысының губернаторы Сергей Цивилев хабарлады.
Медициналық апат орталығының аймақтағы бөлімшесінің ақпаратына қарағанда, зардап шеккендердің барлығы өртенген заттардың иісінен уланған.
Апат болан кезде шахтада кемі 287 адам болған, 236-сы эвакуацияланған. 39 адам іздестіріліп жатыр.
"Олар өз бетінше жер үстіне шығуы мүмкін" деді шахта әкімшілігі "Интерфакс" агенттігіне.
Жарылыс тереңдігі 250 метр жерде болған. Жарылысқа жабдықтар ақауы мен табиғи жағдай себеп болуы мүмкін деген болжам айтылады.
ПІКІРЛЕР