Самарқанд қаласында қоғам белсендісі Руслан Хайрнуровты құқық қорғау орган қызметкерлері ұстады.
"Самарқандты құтқарайық" тобының мүшесі Хайрнуров "жалған ақпарат таратты" деп айыпталды.
Самарқанд милициясы белсендінің ұсталғанын растады.
Хайрнуровтың адвокаты мен туыстары белсенді жергілікті заң бұзушылардың әрекетін сынағаны үшін қудаланып отыр деп санайды.
Мәліметке қарағанда, 54 жастағы Руслан Хайрнуровты 27 желтоқсанда "Мададкор" махалласының инспекторы әңгімелесуге шақыртқан. Оны ұстау кезінде заң бұзылды, дейді белсендінің адвокаты.
Хайрнуровты айыптауға себеп болған мәтінді әлеуметтік желіде он шақты адам таратқан, бірақ милиция Русланды ғана ұстаған. Адвокат оны қоғамдағы белсенді әрекеттері үшін ұстады деп есептейді.
- Мәтін авторына тиіспеген. Хайрнуров Зарафшан ұлттық саябағын қорғап жүр. Сонымен бірге, ол Самарқанда қоқыс өңдеу зауытына қатысты зерттеу жүргізді. Зауыт жоқ, қоқыс таситын көліктер ғана сатып алынған. Мұндай автокөліктерді Самарқанда Isuzu зауыты шығарады, бірақ бұлар Қытайдан сатып алған. Оны қоғамдағы белсенділігі үшін қудалап жатыр, - деді адам құқықтарын қорғаушы Мирзо Субхонов.
