Мәсімов ұсталды. Ақтау мен Жаңаөзенде наразылардың көбі тарады. 8 қаңтарда не болды?

Қазақстан президент Қасым-Жомарт Тоқаев 10 қаңтарды жалпыұлттық аза тұту күні деп жариялады.

Ақорданың ресми мәлімдемесінде "президент Тоқаев еліміздің бірқатар өңірінде болған қайғылы оқиғалардың салдарынан көптеген адамның қаза табуына байланысты 10 қаңтарды жалпыұлттық аза тұту күні деп жариялау туралы шешім қабылдады" деп жазылған.

Ақтаудағы наразылық митингі аяқталды

8 қаңтарда таңертең Маңғыстау облысының әкімшілік орталығы – Ақтаудың Ынтымақ алаңындағы митинг аяқталды. Бірнеше күннен бері билікке әлеуметтік және саяси талаптар қойып, президент Қасым-Жомарт Тоқаевтың отставкасын талап етіп бейбіт митинг өткізіп тұрған адамдардың алаңдағы киіз үйін әлдекімдер жинап алып кетті.

Embed Бөлісіңіз

8 қаңтар. Ақтаудағы наразылыққа жиналғандардың басым бөлігі тарады

Embed Бөлісіңіз

The code has been copied to your clipboard.

---

width px height px

---

The URL has been copied to your clipboard

No media source currently available

0:00 0:02:19 0:00

Жүктеп алу

• 240p | 6,8MB
• 360p | 11,8MB
• 480p | 23,4MB
• 720p | 37,6MB
• 1080p | 70,6MB

Бірақ "талабымыз орындалмады, алаңның басқа жеріне барып тұрамыз" деген он шақты адам әкімдіктің қасындағы алаңқайда әлі жүр. Наразылар өкілінің айтуынша, олардың өз мүлкі – киіз үйді белгісіз біреулер алып кеткен және өздерін күштеп таратқан. "Олар орган адамдары болуы мүмкін" дейді наразылардың бірі.

Қазір Қазақстан бойынша наразылық митингі өтіп жатқан жалғыз қала – Маңғыстау облысындағы Жаңаөзен қаласы. Газ бағасының күрт қымбаттауына наразы жұрттың митингісі 2 қаңтарда ең алдымен осы қалада басталып, кейін Қазақстанның бүкіл аймағына тараған.

Ішкі істер министрлігі Ақтөбеде тәртіпсіздікті ұйымдастырған 11 адамның ұсталғанын мәлімдеді. Министрлік елде барлығы 4404 адам полицияға жеткізілгенін хабарлады.

Ведмство ұсталғандардың кім екенін, олардың тәртіпсіздікті қалай ұйымдастырғанын ашып айтпады.

Қазақстанда интернет қайта өшті

Интернет жұмысын бақылайтын Global Check сервисі Қазақстанда интернет қайта өшкенін хабарлады. "Интернет жеті сағаттан аса уақыт жұмыс істеді" деп жазды сервис.

7 қаңтарда Қазақстан президенті Тоқаев "жағдай тұрақталған аймақтарда" күніне бірнеше сағат интернет берілетінін айтқан. Ал Цифрлық даму, инновация және аэроғарыш өнеркәсібі министрі Бағдат Мусин "террористер бір-бірімен байланыспас үшін интернет өшірілгенін" айтқан.

Билік қазірге дейін "террористердің" кім екенін ашық айтпай отыр.