Қырғызстанның Қазақстанмен шекарасындағы "Ақ-Тілек" бақылау-өткізу бекетінде жүк көліктері көптеп жиналып қалды. Қырғызстан шекара қызметінің хабарлауынша, 11 қаңтарда түнде шекарада шамамен 130 жүк көлігі тұрған.
Шекарадан өте алмай тұрған жүк көліктерінің онында ауыл шаруашылығы өнімдері, жиырмасына контейнерлер тиелген.
Қырғызстан шекара қызметі жүк көліктерінің көбейіп кетуін мерекеден кейінгі белсенділік деп есептейді.
Қырғыз жағында жүк көліктеріне шектеу жоқ.
Қырғызстанның Қазақстанмен шекарасындағы басқа да бекеттерде адамдар мен көліктердің кезегі байқалмайды.
Қазақстан мен Қырғызстан шекарасының қырғыз жағында жүк көліктерінің кезегі үнемі пайда болып тұрады, кейде оның ұзындығы бірнеше шақырымға созылады.
ПІКІРЛЕР