Accessibility links

Қазақстанның үш өңірінде төтенше жағдай режимі тоқтатылды


Президент Қасым-Жомарт Тоқаевтың полиция жедел штабына барған сәті. 12 қаңтар 2022 жыл.
Президент Қасым-Жомарт Тоқаевтың полиция жедел штабына барған сәті. 12 қаңтар 2022 жыл.

Қазақстан президенті Қасым-Жомарт Тоқаев өлкенің үш аймағындағы — Павлодар, Батыс Қазақстан және Солтүстік Қазақстан облыстарындағы төтенше жағдай режимін тоқтатты.

Мемлекет басшысының сәрсенбі күні жариялаған жарлығына сәйкес, аталған аймақтардағы төтенше жағдай режимі 13 қаңтарда таңғы сағат 7-де тоқтайды.

2 қаңтарда Жаңаөзенде сұйытылған газдың қымбаттауынан басталған наразылық Қазақстанның өзге қалаларына жайылған. Алматыда наразылықтың соңы қантөгіске ұласты. Өзге аймақтарда да адамдардың қаза болғаны хабарланды. Қаңтар оқиғасында қанша адамның қаза болғаны туралы нақты мәлімет жоқ. Денсаулық сақтау министрлігі 164 адамның опат болғанын хабарлады, бірақ ведомство кейін жоққа шығарды. Әлеуметтік желіде туыстары немесе таныстарын іздеп жүрген хабарламалар тарап жатыр.

Полицияның мәліметінше, "антитеррористік" операциялар барысында Алматыда "тәртіпсіздікке қатысқан" ондаған адам қаза болған. Қазақстан билігі тәртіпсіздік кезінде күштік құрылымның 18 өкілінің қаза болғанын айтты.

БҰҰ-ның Адам құқықтары жөніндегі сарапшылары Қазақстан билігінің "наразыларға пәрменді күш қолдануын" айыптап, жағдайды тәуелсіз зерттеуге шақырды.

ПІКІРЛЕР

XS
SM
MD
LG