Accessibility links

Қазақстан мен Өзбекстан арасында пойыздар 15 мамырдан бастап қатынайды


Көрнекі сурет.
Көрнекі сурет.

15 мамырда Өзбекстан мен Қазақстан арасындағы теміржол қатынасы қайта жанданады. "Узбекистон темир йуллари" компаниясының баспасөз қызметі осындай мәлімет таратты.

"Қазақстан темір жолы" компаниясымен жасалған келісімге сәйкес, 15 мамырда "Нөкіс – Бейнеу – Нөкіс" пойызы, ал 16 мамырда "Алматы – Ташкент – Алматы" ("Тұлпар-Тальго") жүрдек пойызы жолға шығады. Ташкент пен Алматы арасында жүретін бұл пойыз аптасына үш рет қатынайды.

Мұның алдында "Алматы – Ташкент – Алматы" пойызы 2 мамырда, ал "Нөкіс – Бейнеу – Нөкіс" пойызы 1 сәуірде жолға шығатыны хабарланған, алайда Қазақстан карантин шектеулеріне байланысты пойыз жүретін уақытты кейінге шегерген.

Жолаушы пойыздарының халықаралық бағыттағы қозғалысы 2020 жылғы наурызда коронавирус індетіне байланысты тоқтаған.

Қазақстан 11 сәуірде Өзбекстанмен құрлықтағы шекарадан өтуге қатысты шектеулерін алып тастады. Дегенмен жолаушылар көрші елге кіру үшін ковид вакцинасын алғаны туралы куәлік немесе ПЦР зерттеуінің теріс нәтижесін көрсетуі тиіс.

ПІКІРЛЕР

XS
SM
MD
LG