Қырғызстанның Нефтетрейдерлер қауымдастығы Ресейдің мұнай өңдеу зауыттары дизель экспортын қысқартып жатқанына алаңдайды.
Олардың мәліметіне қарағанда, жыл басынан бері дизель бағасы тоннасына 600, АИ 92 бензині 370 АҚШ долларына дейін қымбаттаған жағдайлар болған. Соңғы айда Ресейдің өңдеу зауыттарында дизель бағасы 300 АҚШ долларын құраған.
Монополияны реттеу қызметі бағаларды тұрақты ұстап тұру, қорды қамтамасыз ету бойынша ұсыныстар жіберген.
17 тамыздағы көрсеткіш бойынша, Қырғызстанда АИ 95 маркалы бензиннің 1 литрі 65,90 сом, 92 маркалы бензин 61,90 сом болған. Дизель майы 71,9 сомнан сатылып жатыр. Бұл нарықтағы орташа баға.
Қырғызстанның мұнайға сұранысы жылына 1 млн 200 мың тоннаны құрайды. Мұнайдың 90% Ресейден импортталады.
ПІКІРЛЕР