Сайт бұғатталып тұрса да, материалды осы сілтемемен кіріп оқуға болады
Украина президенті Зеленский Бахмутта.
Украина президенті Владимир Зеленский қазір кескілескен шайқас болып жатқан Бахмут қаласына барды. Бұл туралы 20 желтоқсанда "Суспільне" сайты хабарлады.
Зеленскийдің Бахмутқа сапары алдын ала хабарланбаған еді. Украина президентінің баспасөз хатшысы Сергей Никофоров "Суспільне" сайтына "Зеленский Бахмуттағы алдыңғы шепке барып, солдаттарды марапаттағанын" айтқан. Баспасөз хатшысы Зеленский Бахмуттан Киевке оралғанын да жеткізді.
Ресейдің пропаганда басылымдары ресейлік әскерилер Бахмутты алды деп жазған еді. Бірақ Украина бас штабы бұл ақпаратты жоққы шығарып, украиналық әскерилер Ресейдің барлық шабуылын тойтарды деді.
Дәл қазір Бахмут маңында Украина мен Ресей әскерилерінің арасында кескілескен шайқас жүріп жатыр. Ресей әскері бұл қаланы мамырдан бері бағындыруға тырысып келеді.
"Ресей күніне 50-100 әскериінен айырылып жатыр". Бахмут үшін кескілескен шайқас
1/14Украиналық әскери Бахмут маңындағы шайқаста. 6 желтоқсан 2022 жыл.
Донецк облысындағы Бахмут қаласы үшін шайқас көктемнің соңында басталған. Ресей Донбасстағы Попасная, Лисичанск, Северодонецк қалаларын алған соң Бахмутқа беттеген. Бірақ кейінгі бірнеше аптада Украина да, Ресей де Бахмут маңына әскерінің басым бөлігін шоғырландырып, осы қала үшін шайқасты күшейтті.
Сайт бұғатталып тұрса да, материалды осы сілтемемен кіріп оқуға болады
2/14Украина әскерінің Бахмут маңындағы шебі. 2 желтоқсан 2022 жыл.
Ресей қорғаныс министрлігінің өкілі Игорь Конашенков 4 қарашада «Ресей әскері Донецктегі Бахмут қаласы маңындағы шабуылы сәтті болды» дейді. Америкалық соғысты зерттеу институты (ISW) 7 қарашадағы есебінде «Ресей әскері Бахмут маңында сәл алға жылжыды, бірақ қаланы қоршау деген мақсаттарына толық жеткен жоқ» деп мәлімдеді.
Сайт бұғатталып тұрса да, материалды осы сілтемемен кіріп оқуға болады
3/14Украина әскері Бахмут маңында жүр. 2 желтоқсан 2022 жыл.
Украина қарулы күштері 6 қарашадағы есебінде «Ресей әскері Донецк облысындағы Бахмут және Авдеев бағытындағы шайқаста авиацияны көп қолданып жатыр» деді. Украина тарабы Донецк облысындағы шайқас кезінде Ресей әскері «шығынға ұшырап жатқанын», Донецктегі ауруханалар жаралы солдаттарға толып қалғанын айтады.
Сайт бұғатталып тұрса да, материалды осы сілтемемен кіріп оқуға болады
4/14Украина әскерилері Бахмутта жүр. 6 желтоқсан 2022 жыл.
Украина әскерінің шығыстағы бөлімінің ресми өкілі Сергей Череватыйдың сөзінше, Бахмут маңында Ресей күніне 50-100 әскерінен айырылып жатыр. Сарапшылар Бахмут үшін шайқаста Украина әскерінің де шығынға ұшырап жатқанын айтады.
Сайт бұғатталып тұрса да, материалды осы сілтемемен кіріп оқуға болады
7/14Бахмутта тұратын 70 мың адамның көбі қаланы тастап кеткен. Қазір мұнда қарттар ғана қалған. Қалада су мен жарық жоқ, көптеген үйлер қираған. 4 желтоқсан 2022 жыл.
Сайт бұғатталып тұрса да, материалды осы сілтемемен кіріп оқуға болады
10/14Бахмут маңында жүрген Украина әскерилері. 30 қараша 2022 жыл.
Әскери сарапшылардың сөзінше, Ресей Харьков пен Херсондағы жеңілістен соң әскерилердің рухын көтеру үшін Бахмутты алуға тырысады, бұған қоса Украина әскерінің Лисичанск пен Северодонецкке қарымта шабуылға шығуына тосқауыл қойғысы келеді. Мәскеу "Украина Бахмутты бағындырса, әскерін жабдықтап Ресей бақылауындағы Лисичанск пен Северодонецк қаласына қарымта шабуылға шығуы мүмкін" деп қауіптенеді.
