Непалда Yeti Airlines компаниясының жолаушылар ұшағы апатқа ұшырады. Ұшақ бортында 68 жолаушы болған, екеуі – бала, төртеуі – экипаж мүшесі. News18 арнасы жолаушылардың барлығының қаза болғанын хабарлады. Осы уақытқа дейін 40 мәйіт табылған.
Әлеуметтік желілерде жарияланған видеолардан ұшақтың елдімекен төбесінен төмен ұшып, күрт бұрылғанын көруге болады.
Непал астанасы Катмандудан Покхару әуежайына ұшып келген ұшақ қонар кезде өртенген. Апаттың себебі белгісіз.
Непал биік таулар рельефі мен құбылмалы ауа райына байланысты ұшуға қауіпті елдердің бірі саналады.
